Në kulmin e protestës, Rama sfidon studentët? “S’ka forcë në botë që e rrëzon më …

Në kulmin e protestës së studentëve dhe të rinjve në Tiranë, kryeministri Edi Rama ka reaguar me një mesazh të shkurtër në Facebook.

Pa iu referuar drejtpërdrejt protestës në tekstin e publikuar, Rama ka përdorur një formulim që vjen në një moment të tensionuar politik dhe shoqëror, ndërsa në kryeqytet vijojnë tubimet dhe marshimet.

“Pa rezervë e kam dashur Shqipërinë kur e kishin përplasur përtokë dhe pa rezervë e dua sot, kur s’ka forcë në botë që e rrëzon më përtokë”, shkruan Rama.

Mesazhi i kryeministrit vjen teksa studentë, gjimnazistë dhe qytetarë janë mbledhur në disa pika të Tiranës ndërsa një pjesë e tyre kanë marshuar drejt institucioneve qendrore. Protesta sot është shtrirë në të gjithë Shqipërinë, ndërsa policia po shfaqet shumë energjike në raprezaljen e saj.