Si do ta quajnë vajzën e dytë, Sara tregon vendimin qe ka marre me Bardhin – Lajme Big Brother Vip

Sara Gjordeni është në pritje të vajzës së saj të dytë me Bardhin dhe, teksa familja po përgatitet për ardhjen e vogëlushes, një prej kurioziteteve të ndjekësve lidhet me emrin që çifti ka zgjedhur.

Gjatë një bashkëbisedimi me ndjekësit në rrjetet sociale, ish-banorja e “Big Brother VIP” është pyetur pikërisht për emrin e vajzës dhe nëse këtë herë Bardhi ka qenë pjesë e vendimit.

Sara tregoi se mes tyre ekziston një marrëveshje e veçantë. Emrin e vajzës së parë, Neas, e kishte zgjedhur ajo, ndërsa Bardhi kishte qenë dakord me propozimin. Për vajzën e dytë, rolet janë përmbysur.

Këtë herë do të jetë Bardhi ai që do të zgjedhë i vetëm emrin. Madje, Sara nuk do ta mësojë paraprakisht vendimin e partnerit të saj.

Sipas saj, momenti i zbulimit do të jetë pikërisht pas lindjes. Bardhi do ta marrë vajzën për herë të parë në krahë dhe vetëm atëherë do ta thërrasë me emrin që ka zgjedhur.

Sara u shpreh entuziaste për këtë marrëveshje dhe tregoi se ka besim të plotë te zgjedhja e Bardhit. Ajo pranoi se mezi pret të zbulojë se cili do të jetë emri, duke shtuar se është e bindur se do t’i pëlqejë.