Këtë herë me këngë dasmash – Ora Info
Dasma e Kidës dhe Ajbit, e mbajtur mbrëmjen e kaluar në Romë, ka mbledhur shumë prej emrave më të njohur të estradës shqiptare, duke krijuar një atmosferë festive që nuk ka munguar as në rrjetet sociale.
Në mesin e të ftuarve ishin Ermal Fejzullahu, Dafina Zeqiri, Yll Limani, Dhurata Dora dhe shumë artistë të tjerë, të cilët iu bashkuan çiftit në këtë ditë të veçantë.
Nga festa janë publikuar edhe disa momente në Instagram, ndërsa një prej tyre ka tërhequr veçanërisht vëmendjen e ndjekësve.
Dhurata Dora ka ndarë në “Instagram Story” një video ku shihet duke vallëzuar së bashku me Yll Limanin nën ritmet e muzikës popullore shqiptare.
Videoja më pas është ripostuar edhe nga Ylli, i cili nuk e ka humbur rastin të bëjë shaka me kolegen e tij për një bashkëpunim tjetër muzikor.
“Një EP veç me këngë t’dasmave, për shembull”, ka shkruar ai me humor.
Komenti ka tërhequr vëmendjen edhe për faktin se Yll Limani dhe Dhurata Dora tashmë kanë një projekt të përbashkët pas vetes. Dy artistët publikuan para dy vitesh një EP me pesë këngë, i cili u prit mirë nga publiku.
Kësaj radhe, ideja e Yllit duket se ka ardhur krejt spontanisht nga atmosfera e dasmës, duke sugjeruar me shaka një projekt të ri me frymë popullore dhe këngë të dedikuara festave shqiptare.
Mbetet të shihet nëse propozimi do të mbetet vetëm një batutë mes dy artistëve apo nëse një ditë mund të shndërrohet në një projekt të vërtetë muzikor.
