Shtohet kureshtja për BBVK 5: Alaudin Hamiti publikon foton ‘me blur’ të banorëve të ardhshëm – Lajme Big Brother Vip

Përmes një lëvizjeje në rrjetet sociale, Alaudin Hamiti, prezantuesi i “Big Brother VIP Kosova”, ka zgjuar interesin e ndjekësve për edicionin e pestë të këtij formati. Nëpërmjet një postimi në llogarinë e tij në Instagram, Hamiti ka ndarë me ndjekësit një imazh të banorëve të rinj, ku fytyrat dhe identitetet e tyre janë bërë të padallueshme përmes efektit blur.

“Prapa këtij bluri fshihen emrat dhe fytyrat që do të pushtojnë çdo bisedë tuajën këtë sezon. Kjo lëvizje ka mbajtur të mbërthyer kureshtjen e publikut, duke e mbajtur të fshehtë se cilët personazhe do të jenë pjesë e këtij edicioni, për të cilin ai shprehet se përbën grupin më të fuqishëm të pjesëmarrësve të shfaqur ndonjëherë. Si një vepër arti… kasti i Big Brother VIP Kosova 5”, shkroi ai në mbishkrimin e fotografisë ku la të kuptohet për nivelin e lartë të pjesëmarrësve.

Ky veprim ka përshkallëzuar entuziazmin dhe debatet mes shikuesve, të cilët kanë filluar menjëherë të hamendësojnë mbi emrat që pritet të banojnë brenda shtëpisë më të përfolur në Kosovë.

Pavarësisht këtij paralajmërimi, lista e pjesëmarrësve mbetet ende e konfidenciale, duke e lënë publikun në pritje të zbulimeve të mëtejshme që do të shoqërojnë nisjen e “Big Brother VIP Kosova 5”.