“Me motrën time”, Katy Perry publikon videon ikonike me Dua Lipën

7

Përveç performancës së saj në skenën e Sunny Hill Festival mbrëmjen e kaluar, Katy Perry u dhuroi fansave kosovarë edhe një tjetër moment të veçantë.

Këngëtarja amerikane ka publikuar në Instagram një video, ku tregon se po e përmbyll turneun e saj evropian në Prishtinë, ndërsa këtë moment e ka ndarë krah për krah me Dua Lipën.

Dy yjet realizuan një vallëzim të njohur të Katy Perry-t, të cilin ajo e publikoi në rrjetet sociale nga atmosfera e festivalit.

“Po e mbyllim Eurosummer 2026 siç duhet, duke bërë kërcimin “Ëatch It Burn” me motrën time @dualipa në @sunnyhillfestival”, shkroi Katy Perry në postimin e saj.