Zendaya kritikohet për vathët me artefakte 3 mijëvjeçare gjatë promovimit të “Odiseas” – Ora Info
Aktorja amerikane Zendaya është përballur me kritika pasi u shfaq me një palë vathë të realizuar nga artefakte iraniane rreth 2.700–3.000-vjeçare gjatë promovimit të filmit “Odisea” në Londër.
Arkeologë dhe historianë të artit e cilësuan zgjedhjen si të papërshtatshme, duke theksuar se trashëgimia kulturore nuk duhet të përdoret si aksesor mode. Ata pretendojnë se vathët janë krijuar nga objekte antike që besohet se janë plaçkitur nga thesari i Ziwiye-s në Iran.
Ndërkohë, galeria londineze që zotëron vathët ka deklaruar se artefaktet administrohen ligjërisht dhe se huazimi i tyre kishte për qëllim promovimin e trashëgimisë kulturore persiane. Zendaya dhe ekipi i saj ende nuk kanë reaguar ndaj kritikave.
