E mitura nga Podujeva u nxor nga uji në gjendje jo të mirë

8

Një 13-vjeçare nga Podujeva u gjet përballë rrezikut për jetë këtë të enjte në Shëngjin.

Teksa po lahej në det, e mitura dyshohet se rrezikoi të mbytej në det, të paktën sipas informacioneve të Klan Kosovës të marra nga policia në Lezhë.

Sipas policisë atje, e mitura u nxor nga uji nga pushuesit, në gjendje jo të mirë, dhe është transportuar menjëherë në Spitalin Rajonal Lezhë, ku pas marrjes së ndihmës mjekësore ndodhet jashtë rrezikut për jetën.