Reperi shqiptar Don Xhoni ka ndezur pritshmëritë e fansave pasi ka prezantuar zyrtarisht listën e këngëve të albumit të tij më të ri, i cili do të publikohet më 2 korrik.
Përmes një postimi në rrjetet sociale, artisti bëri të ditur se projekti është realizuar tërësisht sipas vizionit të tij artistik, duke lënë të kuptohet se bëhet fjalë për një nga punët më personale të karrierës së tij.
Albumi përmban 10 këngë, ku ndërthuren projekte solo dhe bashkëpunime me emra të njohur të skenës. Mes tyre bie në sy kënga “BBB”, e publikuar disa javë më parë, e cila është pritur shumë mirë nga publiku dhe tashmë është pjesë e albumit.
Lista e këngëve përfshin:
- 100%
- Prada
- Black Terror
- Ghetto (feat. Vinz & Stealth)
- BBB
- Obsession
- Yoyo (feat. Gzuz)
- Texting
- Sexy Mama
- Anxhelina
Me publikimin e albumit të planifikuar për të enjten, fansat do të kenë mundësinë të dëgjojnë për herë të parë të gjitha këngët e reja, të cilat pritet të sjellin stilin energjik dhe karakteristik që ka bërë të njohur Don Xhonin.
Pritja tashmë ka hyrë në fazën finale dhe numërimi mbrapsht për lansimin zyrtar ka nisur.
