Selin dhe Gimbo i bëjnë të papriturën komshinjve, pamjet virale

16

Një nga çiftet më të komentuara të momentit, Selin Bollati dhe DJ Gimbo, kanë kaluar një mbrëmje të këndshme familjare. Ata kanë qenë të ftuar për darkë te vëllai i Selin, Onno dhe te Greta.

Por, ajo që ka tërhequr vëmendjen e të gjithëve ka qenë një veprim i tyre i pazakontë gjatë largimit.

Përmes një postimi në Instastory, Selin ka ndarë një fotografi ku shihet bashkë me Gimbo-n duke mbajtur qese plehrash dhe shishe plastike në korridorin e pallatit. Ajo ka treguar se kanë vendosur të bëjnë një gjest mjaft qesharak por edhe ndihmues për fqinjët e kunatës dhe vëllait.

“Sot për darkë ishim te Greta dhe Onno. Duke u larguar, i morëm edhe plehrat e fqinjëve ngjitur për t’ua hedhur. Nesër në mëngjes, kur të zgjohen, do të kenë një punë më pak”, ka shkruar me humor Selin mbi foto.

Ky gjest plot sportivitet dhe i shoqëruar me emoji duke qeshur tregon se përveç atmosferës së mirë që kanë kaluar brenda me familjarët, dyshja ka gjetur kohë të bëjë edhe pak humor jashtë derës, duke u kujdesur në mënyrë komike për pastërtinë e korridorit të pallatit!