3 sinjale që lëkura juaj po “kërkon ndihmë” dhe ju duhet të ndryshoni rutinën

1

Dermatologët shpjegojnë se rutina e kujdesit për lëkurën nuk mbetet gjithmonë e njëjtë dhe duhet përshtatur me kalimin e kohës dhe ndryshimet që pëson vetë lëkura.

Sipas tyre, shumë njerëz e mbajnë të pandryshuar regjimin e përditshëm të pastrimit dhe hidratimit, por me kalimin e kohës lëkura mund të humbasë shkëlqimin, të duket më e lodhur ose të shfaqë probleme si puçrra apo irritime, edhe kur përdoren produkte të zakonshme.

Mjekët e lëkurës shpjegojnë se një nga arsyet kryesore është fakti që lëkura ndryshon me moshën, me stinët dhe me faktorët e jashtëm. Për këtë arsye, produktet që funksiononin më parë mund të mos japin më të njëjtin efekt.

Ata këshillojnë që në raste të tilla të rishikohet rutina dhe të zgjidhen produkte më të përshtatshme për llojin aktual të lëkurës. Gjithashtu, nëse problemet vazhdojnë, rekomandohet konsultimi me një dermatolog.

Një tjetër faktor i rëndësishëm është edhe stina. Në verë lëkura ka nevojë për hidratim më të lehtë dhe mbrojtje më të madhe nga dielli, ndërsa në dimër kërkon më shumë ushqyerje dhe hidratim për shkak të ajrit të thatë.

Specialistët kujtojnë gjithashtu se kremi mbrojtës nga dielli duhet përdorur gjatë gjithë vitit, jo vetëm në verë, pasi mbron lëkurën nga dëmtimet afatgjata.