Pse foshnjat kanë gërçe në bark dhe si mund t’i lehtësoni?

20

Gërçet në bark janë shumë të zakonshme tek foshnjat, sidomos gjatë muajve të parë të jetës.

Shpesh ato shoqërohen me të qara të shumta, shqetësim dhe vështirësi për t’u qetësuar, duke i bërë prindërit të ndihen të pafuqishëm.

Ekspertët tregojnë se gërçet mund të shkaktohen nga sistemi tretës ende i pazhvilluar plotësisht, grumbullimi i gazrave apo mënyra e ushqyerjes. Në disa raste, foshnja mund të gëlltisë ajër gjatë pirjes së qumështit, gjë që shkakton fryrje dhe dhimbje barku.

Prindërit mund të ndihmojnë duke i mbajtur foshnjat drejt pas ushqyerjes për t’i nxjerrë gromësimat, duke bërë masazh të lehtë në bark dhe duke lëvizur këmbët e foshnjës ngadalë si biçikletë. Gjithashtu, qetësia dhe kontakti fizik e ndihmojnë shumë foshnjën të ndihet më rehat.

Nëse gërçet zgjasin për një kohë të gjatë apo shoqërohen me temperaturë, të vjella ose mungesë ushqimi, prindërit duhet të konsultohen me pediatrin.