La të dashurin për Indrin, ja çfarë deklaron sot Vanesa

Tensionet dhe romancat brenda “Ferma VIP 3” vazhdojnë të prodhojnë dinamika të forta.

Së fundmi, në qendër të debateve është vendosur sërish raporti mes Vanesës dhe Indrit, i cili ka nxitur reagime të ashpra nga banorët e tjerë, duke e detyruar Vanesën të bëjë një deklaratë shumë të ndjerë.

Gjithçka nisi pas përzgjedhjes së filmit “Pasaporta” nga kryefermeri Romiri për t’u parë nga banorët.

Skena të caktuara të filmit u interpretuan nga disa fermerë—veçanërisht nga Ola dhe Malbora—si një mesazh i nënkuptuar që godiste drejtpërdrejt marrëdhënien e re që po lind mes Indrit dhe Vanesës. Ato sugjeruan se kjo zgjedhje nuk ishte aspak e rastësishme.

Këto interpretime dhe gjykime e kanë prekur thellë Vanesën, e cila ka vendosur të mos heshtë më, por të mbrojë me forcë atë që po përjeton, duke hedhur poshtë akuzat për “skandale”.

E gjendur mes presionit të kamerave dhe gjykimit për faktin që kishte një situatë pezull jashtë Vanesa shprehu hapur zhgënjimin e saj, sidomos ndaj Olës. Duke konfirmuar ndjenjat e saj të forta për Indrin, ajo deklaroi:

“Për Malborën e di se çfarë perla nxjerr, por më vjen keq për Olën. Filmi ishte një nga më të bukurit që kam parë. Ka shumë grimca tonat aty. Besoj te pëlqimi që Indri ka dhe lëmshin që po përjeton. Unë kam qenë vetë keq në fillim për shkak të lëmshit që kam pasur. Unë kam një familje jashtë. Unë në këtë marrëdhënie kam qenë e vërtetë, nuk kam frikë ta them.”

Duke i qëndruar besnike vendimit të saj, ajo theksoi përkushtimin ndaj Indrit, pavarësisht kostos së komenteve dhe gjykimit publik:

“Për Indrin ndjej shumë dhe jam e përfshirë. Unë nuk jam vajzë skandalesh. Jam një vajzë që bëj këngë dhe dua familjen. Jam e zhgënjyer me Olën. Jam e sinqertë dhe reale dhe u qëndroj ndjenjave të mia. E di që do gjykohem por unë besoj tek Indri. Një gjë që e kam kaq reale dhe të çmuar, të komentohet kështu.”