Tensioni dhe kimia e dukshme mes tyre/ Nik Xhelilaj habit me deklaratën për Luana Vjollcën: “Do ta kisha puthur…”

Luana Vjollca dhe Nik Xhelilaj kanë qenë padyshim dyshja më e komentuar e ditëve të fundit pas publikimit të filmit “Policë për jetë”, ku luajnë përkrah aktorit Olsi Bylyku.

Ajo që ka tërhequr vëmendjen e të gjithë shikuesve nuk ishte vetëm skenari i filmit, por kimia e jashtëzakonshme mes dy protagonistëve kryesorë.

Gjatë filmit, skenat e tyre ishin të mbushura me afrimitet, prekje dhe një tension të dukshëm që nuk mund t’i shpëtonte syrit të publikut.

Por, kjo kimi duket se i ka kaluar kufijtë e ekranit dhe u bë kryefjala edhe gjatë premierave të filmit.

Mënyra se si ata e shihnin njëri-tjetrin dhe shkëndijat mes tyre bënë që rrjetet sociale të mbusheshin me video e komente ku ndjekësit shpreheshin hapur se dyshja do të shkonte shumë mirë si çift edhe në jetën reale.

Por, ajo që i ka “vënë flakën” rrjetit së fundmi ka qenë një deklaratë e Nik Xhelilajt. I pyetur në një intervistë se çfarë do të kishte bërë ndryshe në film, aktori i njohur ka habitur jo pak me përgjigjen e tij.

Ai u shpreh me sinqeritet dhe një buzëqeshje në fytyrë se ndoshta mund të kishte tentuar një puthje me moderatoren dhe aktoren Luana Vjollca, pasi kjo do të ishte diçka që publiku me gjasë e priste dhe e donte ta shihte.

Kjo deklaratë, e shoqëruar me pamjet e afërta dhe shikimet plot domethënie nga tapeti i kuq, ka entuziazmuar edhe më shumë fansat.

Mbetet për t’u parë nëse kjo kimi e fortë do të mbetet vetëm në kuadrin e një bashkëpunimi të shkëlqyer profesional, apo ndjekësit kanë të drejtë kur dyshojnë se ka diçka më shumë mes dy yjeve.