Gruaja e Diogo Jotës zbulon mesazhin që i dërgoi pak para aksidentit fatal

Gruaja e futbollistit të ndjerë Diogo Jota ka zbuluar mesazhin e fundit që i kishte dërguar atij pak para aksidentit fatal, sipas një biografie të re për yllin e futbollit.

Rute Cardoso kishte dashur t’i dërgonte Jotës videon e dasmës së tyre, pa e ditur se ai sapo kishte bërë aksident me Lamborghini Huracan të marra me qira, në një autostradë në Spanjoë.

Futbollisti 28-vjeçar, i cili luante për Liverpool, humbi jetën në korrik të vitit të kaluar.

Sipas policisë spanjolle, aksidenti ndodhi kryesisht për shkak të shpejtësisë. Diogo po udhëtonte me vëllain e tij, Andre Silva, drejt Santander për të kapur një traget për në Mbretërinë e Bashkuar, pas këshillës që të mos fluturonte për shkak të një operacioni në mushkëri.

Biografia zyrtare e Diogo Jotës, e shkruar nga ish-futbollisti Jose Manuel Delgado, titullohet “Nunca Mais e Muito Tempo” ( “Kurrë Më Nuk Është Një Kohë e Gjatë”) dhe do të publikohet më 9 prill në Portugali.

Botuesit e përshkruajnë librin si një “vepër tepër emocionale dhe respektuese, që i bën homazh jetës dhe trashëgimisë së Jotës, jo vetëm si futbollist elitar, por edhe si njeri.”

Në një intervistë për televizionin portugez, prezantuesja Isabel Figueira tregoi:

“Ajo që më tronditi më shumë ishte mënyra se si Rute rrëfen mesazhet e fundit që i dërgon Jotës, por që ai kurrë nuk i mori. Ajo thotë se sapo kishte marrë videon e dasmës dhe i shkruan: ‘Dashuria ime, kur të ndalesh, më telefono, sepse kam diçka për të të treguar.’ Ishte kjo video e veçantë e dasmës së tyre.”