Një burrë 82-vjeçar u gjet i vdekur në shtëpinë e tij në Koufalia të Selanikut, disa ditë pas rastit të dhunës në familje që përfshinte gruan e tij 77-vjeçare.
Sipas informacioneve, Policia helenike u njoftua rreth orës 19:00 nga një fqinj dhe oficerët e policisë që nxituan në vendngjarje e gjetën 82-vjeçarin pa ndjenja, ndërsa në shtëpi ndodhej edhe gruaja e tij, e cila ishte arrestuar së fundmi nga autoritetet pas një denoncimi për një incident dhune të mëparshëm.
I moshuari kishte lëndime të jashtme, me autoritetet që nuk e përjashtojnë mundësinë e aktivitetit kriminal.
Çështja është duke u hetuar, ndërsa gjetjet e mjekut ligjor nga ekzaminimi makroskopik janë vendimtare, informon “Protothema”.
“Ai ka një të dashur, do të më nxjerrë nga shtëpia”, tha gruaja 77-vjeçare që u arrestua për rrahjen e burrit për vdekje.
Konfliktet kishin nisur javë më parë.
Pas dhunës fillestare dhe sherrit në familje palët duket se u pajtuan, por agresioni është rikthyer me goditje në fytyrë dhe trup, duke i shkaktuar vdekjen të moshuarit.
“Dua që të shkojmë mirë, nuk dua të zihemi. Ai ndoshta do të më nxjerrë jashtë që t’ia lë shtëpinë atij. Ai ka një të dashur. Nuk dua ta mërzis djalin tim. Unë kam një të tillë. Burrit tim i dhembin këmbët dhe ai është me mbështetëse për ecje. Nuk dua që as unë dhe as burri im të shkojmë përsëri në gjykatë”, tha ajo para se të lirohej dhe para fundit fatal të të shoqit.
