Dinamikat në shtëpinë e “Big Brother VIP Albania” kanë marrë një tjetër rrjedhë pas nisjes së sfidës së mosreagimit.
Për të testuar vetëkontrollin e banorëve, produksioni ka rikthyer papritur në ambientet e shtëpisë një nga ish-konkurrentët e këtij edicioni, Senon.
Gjatë qëndrimit të tij brenda, Seno ka tentuar të provokojë situatën duke i përshëndetur dhe ngacmuar me fjalë banorët.
Pavarësisht përpjekjeve të tij për të shkaktuar një reagim apo për të tërhequr vëmendjen e tyre, konkurrentët aktualë kanë treguar një rezistencë të lartë.
Deri në këto momente, asnjëri prej tyre nuk e ka thyer rregullin thelbësor të lojës, duke e përballuar me sukses këtë fazë të provës së kërkuar.
Kujtojmë se kjo sfidë është pjesë e numërimit mbrapsht të vendosur nga Vëllai i Madh, i cili kërkon që banorët të mos reagojnë ndaj asnjë situate apo personi që hyn në shtëpi deri ditën e shtunë, në këmbim të benefiteve dhe çmimeve të premtuara.
