Me një kombinim dinamik, këto shenja janë “filozofët” e Horoskopit

1

Filozofët e zodiakut përbëjnë një grup të veçantë shenjash e që janë ato të Kryqit të Ndryshueshëm: Shigjetari, Binjakët, Virgjëresha dhe Peshqit. Këto shenja krijojnë një kombinim dinamik, në aspektin mendor e shpirtëror.

Kryqi i Ndryshueshëm lidhet ngushtë me aftësinë për t’u përshtatur dhe me kërkimin e vazhdueshëm të përgjigjeve mbi jetën. Nuk është rastësi që këto shenja janë gjithmonë në kërkim: mbledhin informacione, i analizojnë, i sfidojnë, i filtrojnë dhe më pas i pranojnë ose i refuzojnë.

Binjakët përpiqen të kuptojnë si funksionon bota. Ata grumbullojnë informacion, e krahasojnë dhe nuk hezitojnë ta vënë në dyshim. Mendimi i tyre ndryshon shpesh, pasi çdo informacion i ri mund të zëvendësojë një të vjetër. Kurioziteti është forca dhe filozofia e tyre kryesore.

Virgjëresha, nga ana tjetër, bën pyetje dhe kërkon përgjigje konkrete. I analizon me kujdes dhe i organizon në mënyrë që jeta të bëhet më e thjeshtë dhe më funksionale. Për të, vlera qëndron te dobia e përgjigjeve. Në detajet e vogla, Virgjëresha ndërton “parajsën” e saj përmes rendit dhe efikasitetit.

 
Shigjetari është figura klasike e filozofit në zodiak. Kërkon të vërtetën, beson në idealen dhe sfidon kufijtë e njohjes. Përmes përvojave e ekspozimit ndaj ideve të reja, zgjeron horizontin e tij dhe heq dorë nga gjithçka që kufizon lirinë mendore. Për të, filozofia është kërkimi i vazhdueshëm i kuptimit dhe qëllimit të jetës.

Peshqit, e jetojnë filozofinë në mënyrë më intuitive dhe shpirtërore. Ata nuk kërkojnë gjithmonë përgjigje logjike, por ndiejnë të vërtetën përmes emocioneve dhe ndjeshmërisë. Janë të lidhur me botën e brendshme e shpesh gjejnë kuptim aty ku të tjerët nuk shohin qartësi.