“Jetojmë bashkë, familjarët e tij…”

Dalja e Dj Gimbo nga shtëpia e “Big Brother VIP” u shënjua nga një moment mjaft tronditës në studio, kur ai mësoi nga Ledion Liço për incidentin e rëndë dhe izolimin e mikut të tij të ngushtë, Gjestit.

Së fundmi, në daljet e tij të para publike pas përfundimit të rrugëtimit në BBV, ish-banori ka thyer heshtjen dhe ka folur për këtë situatë të bujshme, duke zbuluar detaje të reja mbi gjendjen aktuale të artistit.

Gimbo ka rrëfyer emocionet e forta të asaj nate në “Prime”, duke pranuar se lajmi i papritur e goditi shumë rëndë. “Kur ma tha Ledioni, më ra bam,” është shprehur ai, duke treguar shokun që përjetoi në ato momente në transmetim të drejtpërdrejtë.

Megjithatë, ai ka qetësuar ndjekësit dhe fansat e dyshes duke konfirmuar se Gjesti tashmë e ka lënë paraburgimin.

Ai zbuloi se aktualisht ndodhet në shtëpi, pasi të dy jetojnë së bashku, dhe kanë pasur mundësi të bisedojnë gjerë e gjatë. Sipas Gimbos, pavarësisht ngjarjeve, Gjesti për momentin është shumë mirë moralisht.

Lidhur me përballjen me drejtësinë pas skandalit në zyrat e ONIMA-s, ish-banori u tregua i matur, duke ia lënë gjithçka në dorë institucioneve.

Ai theksoi se çështja aktualisht është në një proces ligjor dhe është ligji ai që do të vendosë fjalën e fundit.

Gjithashtu, ai ka menduar edhe për shqetësimin e publikut, duke i siguruar të gjithë se familjarët e Gjestit janë mirë, pasi ka komunikuar personalisht me ta dhe gjithçka është e qetë.

Për ta mbyllur këtë reagim të shumëpritur, Gimbo nuk ka kursyer një mesazh mjaft të fortë dhe mbështetës në lidhje me presionin që po përjeton miku i tij në industrinë e muzikës.

“Artistëve nuk mund t’jua mbyllni zërin kurrë,” ka deklaruar ai me vendosmëri, duke u rreshtuar qartazi në krah të Gjestit në këtë betejë të vështirë që ka ndarë rrjetin në dysh.