Pas martesës, Princ Leka bën vizitën e parë zyrtare me bashkëshorte

3

Pak ditë pasi u martua, Princi Leka ka bërë vizitën e parë zyrtare me bashkëshorten e tij.

Përmes një postimi, Princi Leka ka bërë të ditur se po qëndron për vizitë zyrtare në Sllovaki, raportin IndeksOnline.

Postimi i plotë:

𝐕𝐢𝐳𝐢𝐭𝐞̈ 𝐧𝐞̈ 𝐍𝐢𝐭𝐫𝐚, 𝐒𝐥𝐥𝐨𝐯𝐚𝐤𝐢

Pas kremtimit të dasmës sonë në Apponyi, zhvilluam së bashku një vizitë zyrtare në Kështjellën e Nitrës dhe në selinë e Dioqezës së Nitrës.

U pritëm nga Imzot Viliam Judák, në praninë e Ambasadorit Ľubomír Rehák dhe Marek Sobola.

Gjatë vizitës u theksuan lidhjet historike ndërmjet Nitrës dhe Beratit, si dhe u nderua kujtimi i Shën Nënë Terezës. Vizituam gjithashtu Katedralen – Bazilikën e Shën Emeramit dhe ambientet historike të dioqezës.

Kjo vizitë pas martesës sonë pasqyron lidhjet e qëndrueshme historike dhe trashëgiminë e përbashkët europiane, përfshirë edhe rrënjët hungareze të familjes sonë, si dhe vullnetin për forcimin e bashkëpunimit në të ardhmen.