Katër kosovarë humbin jetën, publikohet fotoja e njërit

2

Katër shqiptarë nga Kosova kanë humbur jetën si pasojë e një incidenti me skele në Vjenë të Austrisë, të ndodhur përgjatë së martës.

Të paktën kështu ka thënë një familjar i njërit prej viktimave, përmes një postimi në rrjete sociale, shkruan Insajderi.

“Me dhimbje të thellë morëm lajmim për humbjen e jetës së djalit të axhës i cili humbi jetën në vendin e punës në Vienë të Austrisë bashkë me tre shokët e tij nga Kosova”, ka shkruar njëri nga familjarët.

Njëri nga katër viktimat është Pajtim Bajrami, nga Komuna e Skenderajt.

Siç kanë raportuar mediat austriake, një zëdhënës i Departamentit të Zjarrfikësve të Vjenës ka shpjeguar se, një problem me skelat shkaktoi shembjen e një kallëpi.