Einxhel Shkira i del në mbrojtje Dagz-it pas deklaratës që bëri për Big Brother VIP Albania (Foto)

Ish-banori i “Big Brother VIP 1”, DJ Dagz, ka nxitur një debat të gjerë në rrjet pas një deklarate të fortë të bërë së fundmi, teksa ishte i ftuar në emisionin “Andale”.

I pyetur për mendimin e tij rreth formatit, ai theksoi se i vetmi sezon që vlerëson është i pari, ku ishte vetë pjesëmarrës.

“Nuk është se nuk e dua si format, por sinqerisht unë e dua formatin e Big-ut siç ka qenë te 1-shi. Se formati i Big-ut me 2, 3, 4, 5 nuk ka të bëjë fare, zero,” – u shpreh Dagz, duke theksuar me bindje se nuk do të rikthehej “asnjëherë” në atë shtëpi.

Ky qëndrim solli një lumë komentesh negative nga ndjekësit, të cilët e kritikuan me argumente si “të gjithë kështu thonë për Big-un e vet” apo “BBV2 ishte më i miri”.

Këtu ka hyrë në lojë Einxhel Shkira, e cila i ka dalë në mbrojtje të hapur partnerit të saj, duke u përplasur drejtpërdrejt me komentuesit.

“Pyetet Dagz për të dhënë mendimin e vet! Njerëzit në komente: Po kështu mendon ti se ne mendojmë ndryshe! Lol, po atë ka pyetur pra. Kur t’ju pyesin juve përgjigjuni,” – shkroi fillimisht Einxhel.

Situata ka agravuar në replika të forta kur një ndjekës e ironizoi Dagzin si një lojtar të dobët që nuk duhet marrë parasysh. “Po kujt i intereson këtu çfarë merr ti parasysh! Kur të bësh ti intervista, fto dikë që e merr parasysh dhe pyete! Shumë e thjeshtë zgjidhja,” – ia ktheu Einxhel.

Pasi ndjekësi vazhdoi ironinë duke thënë se po të bënte emision do ftonte njerëz që e kuptojnë lojën dhe jo Dagzin, Einxhel e mbylli debatin me një dozë të lartë sarkazme: “Ahh çfarë fatkeqësie, se me siguri do të kishte ardh”.