Që Lamin Jamal është një nga lojtarët më të mirë në botë është pa dyshim një e vërtetë. Është një realitet dërrmues dhe anësori i vogël i Barçës e konfirmon atë pothuajse në çdo ndeshje. Por kishte një aspekt të futbollit në të cilin, sipas trajnerit, Hansi Flik, ai duhej të përmirësohej, mbulimi i lojës së kundërshtarit.
Basti i tyre ishte pothuajse ekskluzivisht në vertikalitetin dhe lëvizjet dhe veprimet sulmuese dhe ata sakrifikuan jo pak në parandalimin e qarkullimit të topit të kundërshtarit. Jamal e kishtë të vështirë të bënte një detyrë të tillë, por tani është përmirësuar, dhe në një mënyrë fantastike.
Anësori ndërkombëtar 18-vjeçar tregoi disa mangësi kur bëhej fjalë për të detyruar kundërshtarin, përmes presionit, të bënte gabime. Ishte e vështirë për ta të sakrifikonin veten në detyrat mbrojtëse dhe të përqendroheshin në lojën sulmuese dhe vertikale. Hansi Flik e ka qortuar në më shumë se një rast, por pse jo vetëm ai.
Trajneri gjerman është penduar në shumë raste që lojtarët sulmues nuk u përpoqën mjaftueshëm për të këmbëngulur në veprime të shpejta dhe të koordinuara për të rikuperuar topin, përveç Rafinjës, prandaj skuadrës i mungoi kaq shumë braziliani gjatë kohës kur ishte i dëmtuar. Por tashmë duket se gjithçka ka ndryshuar dhe Jamali është bërë ai që kërkon trajneri. Edhe pse me vështirësi, ai është kthyer në lojtarin kyç të Barcelonës.
Flik është munduar shumë e fjalët e tij se “për të shkuar në nivelin tjetër, një ose dy hapa të tjerë, duhet të bësh një përpjekje, talenti nuk mjafton” janë shumë aktuale. “Nuk ka të bëjë vetëm me të luajturit me topin, por edhe me mbrojtjen. Kjo është ajo që na duhet nga Lamini dhe të gjithë lojtarët. Nuk ka të bëjë vetëm me katër mbrojtësit. Bëhet fjalë për mesfushorët dhe sulmuesit. Janë pikërisht ata që fillojnë presionin. Kjo është ajo që më duhet nga çdo lojtar në fushë” – ka përfunduar ai.
DRITAN LUNDRA-PANORAMASPORT.AL
Leave a Reply