24 qershori i vitit 2025 tashmë do të jetë një ditë historike për skuadrën modeste të Okland Sitit, teksa arriti të siguronte një barazim me shifrat 1 me 1 ndaj Boka Zhuniors në Botërorin e Klubeve. Një rezultat ky që ka vlerën e 1 milionë dollarësh, që për një klub gjysëm profesionisesh si Okland Siti nga Zelanda e Re, është një shifër tepër e lartë.
Edhe pse zelandezët e mbyllën Grupin C në vendin e fundit me 1 gol të shënuar dhe 17 të pësuar, ky barazim i arritur ndaj Boka Zhuniors, u përjetua si një festë e jashtëzakonshme.
Titullar në këtë duel ishte edhe mbrojtësi me origjinë shqiptare, Regont Murati, i cili qëndroi në fushë 54 minuta, duke bërë një paraqitje të kënaqshme, teksa regjistroi edhe 1 gjuajtje në portë.
Golin historik për skuadrën e Okland Sitit e shënoi mbrojtësi Grej në minutën e 52-të. Një gol që tashmë do të mbahet mend gjatë.
Vlen të theksohet fakti se ndeshja u ndërpre për shumë minuta, për shkak të kushteve atmosferike, për të rifilluar sërish, ku modestët e Okland Sitit, mbrojtën mjaft mirë këtë rezultat.
MOMENTI KUR GJYQTARI SINJALIZOI FUNDIN E NDESHJES: VIDEO
PANORAMASPORT.AL
Leave a Reply