10
Ish banorja e ‘Big Brother VIP Kosova’ Lela Seferi është tejet aktive në rrjete sociale.
Ajo me një postim është bërë nostalgjike duke i kujtuar vitet e fëmijërisë, shkruan “Kosovarja”.
Kujtojmë se Lela vëmendjen e mediave rozë e ka rrëmbyer me qëndrimin e saj në shtëpinë me ta famshëm në vend, e cila krijoj dhe romancën me Leon.
Hyrja e Xheneta Fetahut në shtëpinë e Big Brother VIP Albania 4 ka arritur të thyejë rekorde shikueshmërie.
Në 5 minuta nga hyrja në shtëpi, videot e saj kanë grumbulluar plot 5 milionë shikime, duke u bërë një nga momentet më të ndjekura të këtij sezoni.
Kjo hyrje, e cila erdhi si pjesë e sfidës së mos-reagimit, ka shkaktuar një reagim të madh në rrjetet sociale, ku fansat kanë shpërndarë videon dhe kanë komentuar mbi takimin e saj me banorët, veçanërisht me Gjesti.
Ministri i Drejtësisë Ulsi Manaj deklaroi sot se hapja e tunelit të Murrizit, është pritur ndër vite nga banorët e Dibrës, të cilët shekuj me radhë, kaluan Qafën e Murrizit me mundim. Tuneli i Murrizit pritet të hapet sot zyrtarisht në një ceremoni ku i pranishëm do të jetë edhe Kryeministri Edi Rama.
“Dibra dhe Tirana, më në fund një. Burra në moshë që qanin nga gëzimi, deri te fëmijët e një krahine me histori, që janë rritur me ëndrrën e Rrugës së Arbërit, rrugës së karvaneve të Dibrës. Shekuj me radhë, karvanët e Dibrës kaluan Qafën e Murrizit me mundim, duke ëndërruar një rrugë që nuk erdhi kurrë, derisa një shtetar me vepra tha: Rrugën e Arbrit do ta bëj. Dhe e bëri”, tha ai.
Sot e përgjithmonë, shtoi Manja, Dibra nuk është më thjesht një histori sakrifice, por një simbol i zhvillimit dhe dinjitetit të merituar.
Nga sot tuneli i Murrizit, vepra më e rëndësishme e Rrugës së Arbrit do të jetë i hapur për qarkullimin e mjeteve. Tuneli i Murrizit ka një gjatësi prej 3.78 kilometrash.
Meta tha ditën e Enjte se ka filluar testimin e shënimeve komunitare në platformat e saj të medias sociale në Shtetet e Bashkuara prej datës 18 Mars, dy muaj pasi tha se do të mbyllte programin e verifikimit të fakteve pas vitesh kritike nga konservatorët.
Kalimi në shënimet komunitare është ndryshimi më radikal i Meta në politikën e saj të moderimit dhe menaxhimit të përmbajtjeve në platformat e saj. Lajmi vjen ndërsa CEO Mark Zuckerberg ka sinjalizuar dëshirën për të ulur tensionet me administratën Trump.
Sistemi i ri që Meta po implementon është një standard në rrjetin social X të Elon Musk. Meta tha se do të përdorë algoritmin open-source të X si bazë për sistemin e saj.
Si pjesë e lëvizjes, kompania do të lejojë kontribuesit të shkruajnë dhe të vlerësojnë shënimet për përmbajtjen në Facebook, Instagram dhe Threads. Rreth 200 mijë vetë janë regjistruar për tu bërë kontributorë në SHBA.
Sistemi pritet të implementohet edhe në vende të tjera të botës. /PCWorld Albanian
207
Ekspertët shëndetësorë thonë se rrallimi i vetullave janë një shenjë që tregon se mund të keni probleme me gjëndrat tiroide.
Është mirë të bëni një ndryshim të dietës suaj e të merrni disa suplemente për të parandaluar që ky shqetësim të kthehet në një problem mjekësor.
Sipas ekspertëve, për të parandaluar rënien e vetullave , duhet të hani më pak ushqime që ndikojnë në funksionimin jo të mirë të gjëndrave tiroide, si lakra, lakra jeshile, patatet e ëmbla, kikirikët dhe prodhimet e sojës.
Këto ushqime mund të konsumohen nëse gatuhen mirë dhe hahen në mënyrë të moderuar, vetëm se nuk duhen ngrënë të gjalla.
Ndërkaq, ekspertët shëndetësorë bëjnë thirrje edhe të mos konsumoni alkool dhe sheqer sepse ato shkaktojnë mbistimulim të gjëndrave tiroide
#Tregon #shumë #për #shëndetin #tuaj #rënia #vetullave
#Tregon #shumë #për #shëndetin #tuaj #rënia #vetullave
Federata Shqitare e Futbollit ka prezantuar të premten fanellat që lojtarët e Shqipërisë do t’i veshin në ndeshjet kualifikuese për Kupën e Botës 2026. Fanellat e reja, lojtarët do t’i veshin që nga ndeshja e 21 marsit me Anglinë.
Fanella e parë është e kuqe, e dyta e bardhë dhe e treta e zezë.
FSHF-ja ka shkruar se fanellat përfaqësojnë “një skuadër të bashkuar fort, një shpirt të mbushur plot, një komb që mbetet gjithmonë krenar”.
VIDEO:
Koalicioni VLEN është deklaruar në lidhje me paralajmërimet për shpalljen e re për punësimin e 300 ushtarëve të rinj në Armatën e Maqedonisë së Veriut. Nga VLEN thonë se në këtë konkurs kriter do të jetë edhe përfaqësimi i drejtë dhe adekuat.
“Të drejtë aplikimi kanë të gjithë të interesuarit ndërmjet moshës 18-25 vjeç. Por, brenda këtij njoftimi me krenari dhe mburrje të plotë ju informojmë që kriter dhe element tjetër që do të merret parasysh është edhe përfaqësimi i drejt dhe adekuat. E kjo çështje është e rregulluar dhe figuron zyrtarisht në pikën shtatë të konkursit që vazhdon të jetë akoma aktiv”.
“Kur hoqëm mekanizmin keqpërdorues balancuesin u zotuam që shqiptarët do të përfaqësohen denjësisht në gjitha institucionet e vendit. Ky është fillimi, i ngjashëm do të jetë edhe vazhdimi. Në çdo konkurs do të ketë edhe përfaqësim të drejt dhe adekuat. Kjo çështje do të vazhdojë kështu deri në rregullimin përmes Ligjit për përfaqësim të drejt dhe adekuat”.
“U zotuam se shqiptarët do të punësohen edhe më shumë edhe më mirë, gjithkund, në çdo vend pa dallim. Por, dallimi i punësimeve të Qeverisë sonë është që ne bëjmë përfaqësim të drejt dhe adekuat por domosdo e kemi në funksion edhe mekanizmin filtrues, meritokracia do të jetë kryefjala e punësimeve tona. Njeri i duhur në vendin e duhur. Shqiptarët janë të zotë, dinë dhe munden të udhëheqin shumë mirë”, thonë nga VLEN.
“Për kë do të bëj tifo? Për të bukurën e futbollit, kam luajtur me të dyja skuadrat. Por dua që të vij në ‘San Siro’ për të mbështetur Interin”.
Jurgen Klinsman e ka lidhur jetën e tij mes Milanos dhe Mynihut. Sot jeton në Kaliforni dhe ka analizuar kualitetin e të dyja skuadrave. “Është një mëkat që këto dy ekipe përballen me njëra-tjetrin kaq herët. Duhet të ishte një finale Champions-i. Imagjinoni sa e bukur”.
Përshëndetje, Klinsman! Çfarë do të thotë për ju Interi kundër Bajernit?
Një sfidë e bukur. Kujtoj në të shkuarën ndeshjen me golin e jashtëzakonshëm të Bertit. Sot, Bajerni kërkon që të bëjë gjithçka, sepse finalja luhet në shtëpinë e tyre. Por për Interin është shansi që të fitojë sërish një trofe në Europë.
Atëherë…
Po. Interi ka ndërtuar një skuadër të madhe. Është një organikë me dy formacione, kanë elementë në çdo pozicion. Interi ka një mënyrë të mirë të të luajturit dhe, me 3-5-2, i ndryshon shpesh pozicionet e lojtarëve. Më vjen për të qeshur kur mendoj që Bastoni shkon deri në fundore dhe kroson. I mungon vetëm që të shkojë ta godasë vetë me kokë. Interi është i bukur për t’u parë.
Në krahasim me shumë ish-lojtarë, ju jeni transferuar tek Interi pastaj te Bajerni. Çfarë gjetët në Mynih?
Kur ke mundësinë për të shkuar te Bajerni, ashtu si sot dhe 30 vite më parë, ke shansin për ta jetuar atë aventurë me një kulturë dhe një dëshirë që vetëm pak klube në botë e kanë. Krijohet një presion brenda klubit, por për të mirën e tij. E kanë këtë ambicie që vjen qysh prej gjeneratës së viteve ’70-të, kur luante Bekenbaueri dhe Majer. Gerd Myler ishte idhulli im që nga fëmijëria, sepse isha 10 vjeç kur ai shënoi golin kundër Holandës në Botërorin e vitit 1974. Ata kanë krijuar këtë kulturë që duan të fitojnë çdo ndeshje, miqësore, Bundesligë, kupë apo Champions. Dhe, kur nuk fitojnë, tërbohen.
Çfarë i ka sjellë Kompani kësaj skuadre?
Duke e parë nga jashtë, Visent ka qenë shumë inteligjent për të pranuar të gjithë personat që bëjnë pjesë te Bajerni. E mori me qetësi aventurën dhe u përqendrua te puna me skuadrën. Politika e klubit nuk i intereson dhe mediat, gjithashtu. Kërkon që të vendosë në fushë formacionin më të mirë për të marrë rezultatet dhe e shoh të qetë.
Po Inzagi, çfarë duhet të bëjë për ta mundur?
Mund të ndodhë gjithçka. Mund të vendoset nga një detaj, nga një penallti, nga një këndore. Kanë dy sisteme të ndryshme, por lojtarë që mund të bëjnë diferencën në çdo moment.
Është vendimtar dueli mes Lautaros dhe Kejnit?
Si ish-sulmues, Kejn për mua është një fenomen dhe shumë i zoti. Meriton që të fitojë më shumë trofe. Lautaro ka kaluar disa momente me ulje-ngritje, por është normale. Ka fituar Kupën e Amerikës dhe ka udhëtuar shpesh me kombëtaren. Mendja e tij ka nevojë për pak pushim. Por Interi ka në përbërje Turamin. E dua shumë atë, sepse kam luajtur edhe me babanë. Askush nuk e priste që të shënojë kaq shumë. Është shndërruar në fenomen. Dhe kështu Lautaro ka gjetur veten. Janë një dyshe e frikshme. E dini çfarë më pëlqen tjetër nga Inzagi?
Çfarë?
Më pëlqen mënyra e tij e të luajturit, sepse aktivizon 2 sulmues. Dy sulmues të deklaruar. Më pëlqejnë sepse kanë forcë në këtë aspekt. Nuk i pëlqej skuadrat me një sulmues apo ato që nuk kanë fare.
Do të jetë një muaj ku do të luhet edhe sfida mes Italisë dhe Gjermanisë. Pse kjo ndeshje nuk del kurrë nga moda?
Sepse në të dyja vendet ka një pasion të jashtëzakonshëm për futbollin. Kur ke mundësinë që të luash ndaj Italisë, për një gjerman është maja. Ndoshta kjo vlen edhe për italianët. Është historia e futbollit në 40-50 vitet e fundit.
Më e lehtë që Interi të eliminojë Bajernin në Champions apo që Italia të eliminojë Gjermaninë nga Liga e Kombeve?
Kombëtaret janë të dyja të forta, por Gjermania ndoshta është pak më e avantazhuar në kualitet. Në Champions mendoj se të dyja skuadrat kanë shanse për t’u kualifikuar.
PANORAMASPORT.AL
Kryeministri i Republikës së Kosovës, Albin Kurti, u takua sot me Sekretarin e ri të Përgjithshëm të Këshillit për Bashkëpunim Rajonal (RCC), Amer Kapetanović, për të diskutuar mbi bashkëpunimin rajonal dhe integrimin ekonomik të rajonit.
Procesi i Berlinit, Tregu i Përbashkët Rajonal (CRM), si dhe Agjenda e Gjelbër, ishin ndër temat kryesore të diskutimit. Kryeministri e uroi Sekretarin e Përgjithshëm për detyrën e tij të re dhe ritheksoi mbështetjen e Kosovës për RCC-në në promovimin e bashkëpunimit në rajon, transmeton KosovaNews.
Duke potencuar rëndësinë e barazisë në organizatat rajonale, kryeministri nënvizoi nevojën për një përfaqësim të drejtë në pozitat drejtuese dhe në stafin e RCC-së dhe inkurajoi organizimin e më shumë aktiviteteve të RCC-së në Prishtinë.
Kryeministri shprehu përkushtimin e Kosovës ndaj Planit të Veprimit CRM2 dhe theksoi rëndësinë e progresit në zbatimin e marrëveshjeve të mobilitetit të arritura në kuadër të Procesit të Berlinit, në mënyrë që ato të sjellin përfitime konkrete për qytetarët.
Agjenda e Gjelbër duhet të sigurojë një tranzicion të drejtë dhe, në këtë drejtim, duhet të garantohet qasje e barabartë në mekanizmat e financimit.
Që nga 1 janari i këtij viti, Kosova ka filluar zbatimin e njëanshëm të marrëveshjes për lëvizjen e lirë me letërnjoftime me Bosnje dhe Hercegovinën, e cila ka rritur lëvizshmërinë e qytetarëve të Bosnjës drejt Kosovës. Ky vendim kontribuon në rritjen e mobilitetit të qytetarëve dhe bashkëpunimin rajonal. Kryeministri theksoi rëndësinë që Bosnje dhe Hercegovina të ratifikojë marrëveshjen për lëvizjen e lirë me letërnjoftime, si një obligim i marrë nga Procesi i Berlinit dhe në funksion të rritjes së lëvizshmërisë mes qytetarëve të Republikës së Kosovës dhe Bosnje dhe Hercegovinës, por edhe në funksion të thellimit të bashkëpunimit e integrimit ekonomik të rajonit.
Presidenti Bajram Begaj u takua sot me presidenten e Republikës së Maqedonisë së Veriut, Gordana Siljanovska Davkova.
Takimi u mbajt në kuadër të punimeve të edicionit të 12-të “Global Baku Forum”.
Begaj gjatë takimit me homologen maqedonase diskutoi mbi marrëdhëniet e fqinjësisë së mirë, bashkëpunimin për të avancuar në procesin e integrimit në BE, angazhimin si aleatë në NATO dhe rolin e shqiptarëve si faktor shtetformues e paqedashës.
Presidenti Begaj, në fjalën e mbajtur në Forumin Global Baku 2025, bëri apel për bashkëpunim aktiv rajonal e ndërkombëtar dhe për përballje me guxim me sfidat e sotme, të cilat, sipas tij, i kalojnë caqet politike dhe ekonomike, pasi po cenojnë vlerat e rëndësishme, si: liria, demokracia, dinjiteti njerëzor, drejtësia dhe siguria.