Category: Uncategorized

3

Hyrja e Erik Lloshit në “Big Brother VIP Albania 5” duket se ka sjellë tronditje në marrëdhënien e tij me bashkëshorten, Rominën. Menaxheri i artistit, Anton Prendi, ka dhënë detaje interesante gjatë një interviste me Ronaldo Sharkën, duke konfirmuar se frika e Erikut për një divorc të mundshëm nuk ishte thjesht një shaka.

“Të njëjtën gjë dhe Romina ka thënë që nuk do e pranonte. Nuk ka qenë vetëm tani kundër. Nuk është se është kundër formatit të BBV, por privatësinë e familjes e ka shumë të shenjtë,” u shpreh menaxheri, duke treguar se pengesa kryesore për pjesëmarrjen e këngëtarit ka qenë gjithmonë qëndrimi i bashkëshortes.
Më shqetësues duket fakti se aktualisht komunikimi mes menaxherit dhe Rominës është ndërprerë. Anton pranoi se ka tentuar ta kontaktojë këto ditë, por pa sukses.

“Kam provuar të komunikoj këto ditë, por nuk kam mundur. Shpresoj që t’i ketë parë videot që unë postoj në ‘Instagram’-in e Erikut. Ka thënë që do kishte pranuar çdo gjë, vetëm BBV jo,” deklaroi ai, duke lënë të kuptohet se Romina po qëndron larg çdo zhvillimi që lidhet me formatin.

Anton tregoi gjithashtu se i është dashur të insistojë për dy vite e gjysmë që Eriku të pranonte ftesën, por pengesa kryesore ka qenë gjithmonë partnerja e tij. Ky zhvillim hedh një dritë mbi tensionet familjare që shpesh qëndrojnë pas vendimeve të famës, duke treguar se edhe jetët private të artistëve mund të ndikohen fuqishëm nga angazhimet televizive.

Gëzim i madh në familjen Veshaj! Vëllezërit e njohur kanë ndarë sot lajmin e ëmbël se familja e tyre është zgjeruar me një anëtar të ri, duke sjellë emocione të forta jo vetëm për ta, por edhe për ndjekësit e tyre të shumtë.

Edhe pse vëmendja mediatike është shpesh te dy binjakët e famshëm, Donaldi dhe Romeo, këtë herë protagonisti i vërtetë është vëllai i tyre, Mario Veshaj.

Ai dhe partnerja e tij, Kristina Mere, janë bërë prindër për herë të parë, duke sjellë në jetë një vajzë.

Romeo dhe Donaldi nuk e kanë fshehur entuziazmin për statusin e tyre të ri si xhaxhallarë. Në fotot e publikuara, ata shfaqen në ambientet e maternitetit, të veshur me rroba sterile dhe me buzëqeshjen që u lexohet në sy.

Në një moment tjetër mjaft prekës, Mario shihet duke parë me adhurim të bijën e sapolindur, e cila po mbahet në krahë nga xhaxhai i saj, duke shënuar kështu një nga kujtimet më të bukura për familjen Veshaj.

Screenshot

Pas fotos virale të postuar ditën e djeshme krah Ledion Liços, e cila ngjalli kuriozitet të madh në rrjet, më në fund është zbuluar arsyeja e bashkimit të dy moderatorëve.

Sipas burimeve, Alketa Vejsiu do të jetë sonte pjesë e pandarë e spektaklit “Big Brother VIP Albania”, por me një rol vendimtar.

Moderatorja e njohur do të ulet në karrigen e opinionistes, duke zëvendësuar kështu Arbër Hajdarin.

Mungesa e Arbërit në mbrëmjen e sotme vjen për arsye ende të padeklaruara, por është konfirmuar se ky zëvendësim është i përkohshëm.

Burimet bëjnë me dije se rokada është e vlefshme vetëm për natën e sotme dhe nuk paralajmëron ndryshime të përhershme në panel.

Megjithatë, prania e Alketës pritet të ndezë atmosferën në studio. Me stilin e saj të drejtpërdrejtë dhe përvojën e gjatë televizive, pritet që ajo të sjellë një energji ndryshe dhe analiza të forta përballë banorëve në këtë natë Prime.

Ka nisur me shumë risi edicioni i pestë i “Big Brother VIP”.

Një nga formatet televizive më të ndjekura, i cili premton emocione të forta, debate të zjarrta, rrëfime personale, skandale, incidente dhe histori dashurie.

Me ardhjen e banorëve të rinj dhe krijimin e trekëndëshave të dashurisë duket se e gjithë vëmendja është kthyer tek ata.

Disa nga banorët janë lodhur nga “historitë e Për’puthen”, ashtu siç i quajnë ata dhe nuk po krijohet situata të reja.

Brikena ishte një nga banoret më të spikatura në fillim të edicionit është shprehur se mund të lërë garën përfundimisht sonte në mbrëmje sepse nuk e gjen më veten në shtëpi.

Ndonëse ndikim në gjendjen e saj ka padyshim edhe hyrja e Mateos dhe fakti që ata kanë pasur një njohje më përpara, një temë që u deshën disa ditë që të sqarohej.

Iliri: Nëse nuk do ishe e preferuar, nëse do ishe në nominim, po ty të do publiku

Brikena: Nuk e di

Iliri: Një paradë do ti, një të shkundësh këtu dhe aty, kaq, je Miss Kosova, kaq kanë për ëndërr. Rrinë e ndjekin është apo jo Briki. Ti i ke mendtë? Po për Zotin. E marr trurin e hedh jashtë, e kur ngrihesh ti që je në kanalin 1 dhe ikën, thonë ata o mos iku. Rrinë e shohin Big-un vetëm se je ti

Brikena: Jo, ça me më parë mua

Iliri: Nuk më beson?

Brikena: Jo

Iliri: Po më beso, je e preferuara e publikut.

Tensionet në shtëpinë e “Big Brother VIP 5” kanë arritur kulmin gjatë sfidës së pulsantit, duke shkaktuar një përplasje të dhunshme verbale mes Inës dhe Stelinës.

Debati ka kaluar menjëherë në rrafsh personal, ku nuk janë kursyer as historitë e dhimbshme familjare, as akuzat për moralin.

Ina ka goditur rëndë duke i përmendur Stelinës një rrëfim të vjetër nga “Për’puthen” lidhur me raportin e saj të vdekur me të atin.

“Ti ke thënë ‘Qëkur ka ndërruar jetë im atë, nuk e di ku është varri i tij’… Ti mohon babin tënd, na tregon tani dashurinë që ke për Keijsin,” e ka sulmuar Ina.

Stelina ka reaguar ashpër, duke e cilësuar këtë si një çështje që publiku nuk e di të plotë, dhe ka kundërsulmuar duke përmendur ndërhyrjen e Inës mes çifteve (referuar situatës me Kejsin).

“Nuk do e arrish ta kuptosh ndonjëherë pse. Ti je femër e përkëdhelur dhe je mësuar të futesh mes çifteve,” u shpreh ajo.

Debati degjeneroi më tej kur Ina e akuzoi Stelinën për sjellje të pahijshme në publik: “Ti që puthesh me çunat në mes të ‘Myslym Shyrit’.”

Përgjigja e Stelinës ishte një “thumb” i drejtpërdrejtë për videon virale të Inës: “Puthem. Po s’më ka dalë klip mua.”

Dy nga figurat më të rëndësishme të televizionit shqiptar, të cilët përfaqësojnë dy logot më të mëdha rivale mediatike, Top Channel dhe TV Klan, janë bërë bashkë në një takim që ka “thyer” rrjetin mbrëmjen e sotme.

Ledion Liço dhe Alketa Vejsiu kanë publikuar disa foto të përbashkëta, ku shfaqen të buzëqeshur dhe në një atmosferë mjaft miqësore krah njëri-tjetrit.

Por, ajo që ka ndezur kuriozitetin e publikut është njoftimi zyrtar që shoqëron këto pamje.

Përmes një fotoje bardh e zi, ku Ledioni shfaqet duke qeshur, Alketa ka zbuluar se nesër do të jetë pjesë e spektaklit të “Big Brother VIP”.

“Nesër Big Sister viziton Vëllain e Madh,” shkruhet në diçiturën e fotos, duke konfirmuar kështu një kryqëzim historik mes dy formateve dhe ekraneve.

Mbetet për t’u parë se cili do të jetë roli i Alketës në Prime-n e nesërm dhe çfarë surprize kanë rezervuar dy moderatorët për publikun.

Hyrja e Erik Lloshit në “Big Brother VIP Albania 5” duket se ka trazuar jo pak marrëdhënien e tij me bashkëshorten, Rominën.

Menaxheri i artistit, Anton Prendi, ka zbuluar detaje mjaft interesante gjatë një interviste me Ronaldo Sharkën, duke konfirmuar se frika e Erikut për një divorc të mundshëm nuk ishte thjesht një batutë.

Antoni tregoi se i është dashur të insistojë për dy vite e gjysmë që Eriku të pranonte ftesën, por pengesa kryesore ka qenë gjithmonë partnerja e tij.

“Të njëjtën gjë dhe Romina ka thënë që nuk do e pranonte. Nuk ka qenë vetëm tani kundër. Nuk është se është kundër formatit të BBV, por privatësinë e familjes e ka shumë të shenjtë,” u shpreh menaxheri.

Më shqetësues duket fakti se aktualisht komunikimi mes menaxherit dhe bashkëshortes së këngëtarit është ndërprerë. Antoni pranoi se ka tentuar ta kontaktojë Rominën këto ditë, por pa sukses.

“Kam provuar të komunikoj këto ditë, por nuk kam mundur. Shpresoj që t’i ketë parë videot që unë postoj në ‘Instagram’-in e Erikut. Ka thënë që do kishte pranuar çdo gjë, vetëm BBV jo,” deklaroi ai, duke lënë të kuptohet se Romina po qëndron e distancuar nga çdo zhvillim që lidhet me formatin.

Dinamikat brenda shtëpisë së “Big Brother VIP Kosova” kanë marrë një rrjedhë të re dhe mjaft pasionante vetëm pak ditë pas hyrjes së banorit të ri, Lim hoti.

Afrimiteti mes Dolces dhe Lim Hotit ka qenë kryefjala e dy ditëve të fundit, duke kulmuar pas spektaklit të së hënës me një moment që tashmë po bën xhiron e rrjetit.

Pas afrimitetit fizik, kërcimeve të përbashkëta dhe bisedave kokë më kokë, dyshja ka thyer akullin përfundimisht. Kamerat kanë kapur momentin kur ata kanë shkëmbyer një puthje në buzë, duke konfirmuar kiminë e lindur mes tyre.

Kjo romancë e re vjen në një moment delikat, pasi Limi ka deklaruar se historia e tij me banoren tjetër, Alba Pollozhanin, ka përfunduar prej muajsh. Megjithatë, Alba e ka mohuar këtë shkëputje drastike, duke u shprehur se komunikimi mes tyre ka vazhduar deri vonë.

Mbetet për t’u parë se si do ta presë Alba këtë zhvillim të shpejtë dhe nëse puthja mes Dolces dhe Limit është fillimi i një lidhjeje të qëndrueshme apo një shkëndijë momentale që do të ndezë debate të forta në shtëpi.

Këngëtarja e njohur Rina Balaj ka vendosur të hapë paksa “perden” e jetës së saj private, duke zbuluar detaje mjaft interesante për partnerin e ri, të cilin ka zgjedhur ta mbajë larg syrit të publikut.

Gjatë një bisede në emisionin “Vibin’”, Rina konfirmoi se këtë herë ka zgjedhur një djalë që nuk i përket botës së artit.

Një nga detajet që mori vëmendje ishte profesioni i mundshëm i partnerit të saj. Kur u pyet se çfarë do t’i gatuante një bashkëshorti inxhinier, ajo u përgjigj me batutë: “Kush tha që s’e kam inxhinier?”, duke lënë të kuptohet se ai ka një profesion serioz.

Rina tregoi se partneri i saj, të cilin e thërret me pseudonimin “Bërdi”, nuk ka fare llogari në Instagram, gjë që ajo e vlerëson si një “green flag” (shenjë pozitive).

Portreti i partnerit të Rinës:
Nuk i pëlqejnë meshkujt e palestrave. Rina pranoi se partneri i saj ka pak bark dhe nuk është tipi i “mirror selfies”. Ajo vlerëson djemtë misteriozë, punëtorë dhe ambiciozë që kanë një lidhje të fortë me familjen. Për artisten, partneri duhet t’i kushtojë vëmendje 24/7, duke e nisur ditën që me mesazhin e mëngjesit.

Duket se Rina po shijon një kapitull të ri dashurie, duke preferuar qetësinë dhe privatësinë e një njeriu që nuk dëshiron të jetë person publik.

Ndërsa opinionisti Arbër Hajdari nuk është sot prezent në studio, vendin e tij e ka zëvendësuar moderatorja Alketa Vejsiu.

Në studion e ‘Big Brother’, Alketa ka kujtuar kohët e saj të fëmijërisë, ku në moshën 14-vjeçare i janë hapur dyert në Top Channel.

Më të qeshura, ajo është shprehur se nëse do e kishte vazhduar rrugëtimin e saj në Top Channel, sot mund të ishte në vendin e Ledionit duke prezantuar Big Brother.

“Bukur shumë. Për mua është kënaqësi e madhe të kem një partner kaq elegant. Unë jam e kënaqur për ty që kur more Big-un ia more zemrat shqiptarëve. Thash që ti po krijon një kulturë të re komunikimi dhe e bën mirë. Jam shumë e lumtur që kthehem sot, nuk e harrojë Alketën 14-vjeçe, dhe ishte një burrë, i them sot faleminderit Tani. Ai e kishte shumë të rëndësishme projektin e Big Brother.

Unë nuk e pata mundësinë ta prezantoja, e sigurt që do e kisha prezantuar po të kisha qenë këtu. Duke mos harruar ata që na japin dorën të parët, mua këtu me vjen Alketa e vogël, për atë vajzën që vinte me biçikletë dhe ndiqte pasionin. Të gjithë këta banorë po vazhdojnë një rrugë të rëndësishëm, këtë vitrinë duhet ta përdorin mirë, kartën e talentit. Do doja shumë që të ndiqnim anën e tyre njerëzore. Unë jam Motra e Madhe sot, jam Big Sister”,-tha Alketa.