Author: arso

18

Alergjia që shfaqet brenda pak minutash zakonisht ndodh për shkak të një reagimi të menjëhershëm të sistemit imunitar ndaj një substance që ai e percepton si të rrezikshme, edhe pse në realitet nuk është e tillë për shumicën e njerëzve. Ky reagim i shpejtë quhet **reaksion alergjik i tipit I (tipi imediat)** dhe shkaktohet nga një mekanizëm që përfshin **imunoglobulinat E (IgE)**.

Ja si ndodh shkurtimisht:

1. **Ekspozimi i parë ndaj alergenit** – Trupi “në mëndje” e mban si kërcënim dhe prodhon IgE kundër tij.
2. **Ekspozimi i dytë (apo më vonshëm)** – IgE janë të lidhura me qeliza speciale (mastocite) që ndodhen në lëkurë, rrugët e frymëmarrjes, dhe në aparatin tretës.
3. **Kur alergjeni hyn përsëri në trup**, ai lidhet me këto IgE dhe mastocitet shpërthejnë duke çliruar **histaminë dhe substanca të tjera kimike**, që shkaktojnë simptoma si:
– skuqje dhe kruarje të lëkurës,
– teshtima ose rrjedhje hundësh,
– frymëmarrje të vështirësuar,
– ënjtje,
– madje në raste ekstreme, **anafilaksi** (një reaksion shumë i rrezikshëm).

Kjo është arsyeja pse një person mund të hajë një ushqim (si kikirikë), të pickohet nga një insekt, ose të thithë një alergen (si poleni), dhe të ketë simptoma **brenda pak minutash**.

Nëse ke pasur ndonjëherë një reagim të tillë apo dikush afër teje, do ishte mirë të flisje me një dermatolog.

Kampioni në fuqi, Real Madrid është eliminuar nga Liga e Kampionve.

Klubi mbretëtor humbi edhe ndeshjen e dytë çerekfinale ndaj Arsenalit, ku pësoi humbje në ”Santiago Bernabeu”, me rezultat 1-2.

”Topçinjët” kaluan në gjysëmfinale, me rezultat të përgjithshëm 5-1.

Përfaqësuesi i Lëvizjes Vetëvendosje në Koalicionin VLEN, deputeti Bekim Qoku në lidhje me qëndrimet për ndarjen e rrugëve me Arben Taravarin përmes një reagimi të gjatë në profilin e tij në Facebook, ka vë dilemën siç thotë ai ‘’Me lista të përbashkëta apo të ndara, me anketa apo me frymë’’,  duke aluduar në qëndrimin e Taravarit që të dalin veçmas me lista për këshilltarë.

Postimi i plotë i Bekim Qokut

Me lista të ndara apo të përbashkëta, me anketa apo me frymë

Në mbledhjet e fundit të VLENit është debatuar gjerë e gjatë lidhur me zgjedhjet e ardhshme komunale. Ndër temat më esenciale për koalicionin ka qenë ajo se a të dilet me lista të veçuara apo të përbashkëta për këshilltarë komunalë. ASH ka insistuar që të dilet me lista të veçuara, gjë që për të gjithë subjektet e tjerë brenda VLENit ka qenë krejtësisht e papranueshme. Argumentet për të shkuar me lista të ndara janë jopolitike (për të mos thënë antipolitike) dhe kundërproduktive.

Insistimi për lista të ndara është të kërkosh sebeb për t’u ndarë, jo për t’u bashkuar. Argumenti se me lista të ndara do të maten forcat brenda koalicionit është i pakuptimtë. VLENi duhet t’i masë forcat vetëm me BDI-në. Çfarë do të kishte fituar, ta zëmë, LD-ja e Mexhitit nëse do të kish dalë më e fuqishme se Lëvizja Besa, pra nëse do të kish marrë 8 këshilltarë më shumë? Mbase dy drejtori më shumë në ekzekutiv?! Apo 23 punësime më shumë në shëndetësi?!!

Sidoqoftë, shkuarja me lista të ndara për këshilltarë komunalë, përveçse do të dobësonte keqas koalicionin VLEN, do të përçante edhe votën shqiptare. Katër partitë e VLENit, veç e veç, ende janë të vogla në raport me BDI-në. Vetëm unifikimi i tyre, bashkë me faktorin VV, i bën të konkurueshëm dhe të fuqishëm për të triumfuar në zgjedhjet e radhës.

Argumentet e tjera teknike dhe politike se pse është më racionale dhe më produktive të dilet me lista të përbashkëta për këshilltarë komunalë, të cilat i kemi shpalosur gjatë diskutimeve tona në mbledhjet e VLENit janë këto si më poshtë:

1. Përmes votës për lista për këshilltarë ne matemi se kush i fiton zgjedhjet në raport me BDI-në. Beteja jonë politike është ajo me BDI-në dhe kurrsesi ajo brenda nesh;
2. Me lista të ndara, për shkak të modelit zgjedhor, ku favorizohet i pari, do të humbim shumë këshilltarë dhe ia rrisim votën BDI-së. Sistemi i D’Hondtit favorizon partitë e mëdha dhe ndëshkon ato të voglat. Do të thotë se është irracionale të dilet me lista të ndara kur je parti e vogël. Argumenti se me lista të ndara do të mobilizoheshin më shumë njerëz bie poshtë, sepse çdo mobilizim që nuk sintetizohet me këtë sistem zgjedhor nuk është aspak produktiv;
3. Listat e ndara janë krisje në VLEN, që shpie në ndarje ose përçarje. Koalicioni VLEN është bashkim politik. Këto koalicione i mban bashkë fryma dhe kauza që nuk përkthehen kurrë në numra dhe kalkulime meskine;
4. Me lista të ndara duhet të ketë katër shtabe, nga të cilat vetëm njëri shtab e ka kandidatin për kryetar – kjo e hendikepon dhe dëmton kandidatin për kryetar;
5. Katër lista të të njëjtit koalicion fut grindje të brendshme dhe largon përqendrimin nga beteja e vërtetë, ajo kundër BDI-së;
6. Fushata e kandidatit për kryetar do të jetë konfuze, e çoroditur, e vështirë sepse atij do t’i duhej të bëjë fushatë paralelisht edhe për listën e këshilltarëve të partisë së tij. Kjo do të irritonte anëtarët e partive të tjera të cilët me gjasë do ta bojkotonin kandidatin dhe do të përqendroheshin vetëm për suksesin e listës së tyre për këshilltarë;
7. Listat e ndara do të krijojnë sabotim partiak, ngase strukturat e partive që nuk e kanë kandidatin do të vrapojnë për këshilltarë dhe nuk do të luftojnë për kandidatin;
8. Listat e përbashkëta mund të bëhen duke i përfshirë të gjithë kandidatët për këshilltarë në marrëveshjen për pushtetndarjen lokale, pavarësisht a fitojnë ose jo;
9. Me lista të ndara e humbim votën që ka ardhur për koalicionin VLEN dhe që nuk është e lidhur me asnjë parti, që mund të jetë nga 20 mijë deri në 35 mijë vota;
10. Krijohet tension në struktura dhe votues – për shkak të oponencës politike;
11. Listat për këshilltarë është pjesa më politike e zgjedhjeve komunale. Nëse VLEN del me lista të ndara, kjo lë hapësirë për pazare dhe degjeneron elementin politik;
12. Është e pamundur që të lobohet për kandidat të përbashkët për kryetar dhe në anën tjetër për listë të ndarë. Edhe teknikisht është e vështirë, sepse votuesi duhet të mbajë mend disa numra (në Shkup ka plus dy fletëvotime);
13. Ky është gabimi politik, sepse në vend të fuzionimit, kemi ndarje. Kështu i bëjmë shërbim BDI-së, që e dëshiron një VLEN të ndarë. Pa spekuluar për komplote, listat e ndara çojnë ujin në mullirin e BDI-së;
14. Barrën e përpilimit të listave të përbashkëta duhet ta marrë lidershipi, sepse të gjithë e dimë se fitorja që është bërë, ka ardhur se kemi qenë bashkë dhe uniteti ka çmim;
15. Në këto zgjedhje është beteja finale VLEN-BDI dhe të ndarë, ne rrezikojmë të humbim;
16. Nëse dalim ndaras, krijohet mundësia që diku dy parti të merren vesh, diku 3, në një komunë të mbështeten një kandidat i një partie, në një tjetër një kandidat i një partie tjetër ose edhe një listë tjetër. Kjo do të krijojë huti te strukturat tona, e le më te votuesi.

Nëse vendoset të dilet me lista të ndara, atëherë katër partitë e tjera (BESA, LD, AAA dhe VV) kanë gatishmëri të merren vesh të dalin bashkë (edhe me kandidatë edhe me lista) dhe kjo implikon përshtypjen se u nda VLEN-i.

Këto argumente janë dhënë mbi një muaj më parë.

1. Për sa i përket idesë se në disa apo në të gjitha komunat kandidatët do të duhet të caktohen në bazë të një a dy anketimesh, është gjithashtu një tjetër mekanizëm për ta vënë në pikëpyetje frymën dhe kauzën e koalicionit politik.

Dihet që shuma e partive individuale të një koalicioni është shumë më pak se fryma që shpreh ai koalicion. Anketimet mund të nxjerrin të dobët një parti dhe një tjetër më të fort, por kjo vetëm sa do ta zvetënonte koalicionin si plotni. Çfarë, p.sh., nëse ndodh që në ato anketime ASH-ja del të jetë partia e tretë me numër votash? Ky rezultat, në fakt, nuk do të ishte keq për ASH-në si parti, por për vetë koalicionin. Sepse do të bëhej pretekst për sherr dhe revizione të shumta në kuadër të qeverisë. VLENi u formua mbi parimin e të barabartëve mes të barabartëve, pa marrë parasysh numrat, anketimet, shtrirjet e partive.

Në listën e deputetëve të LVV në Kosovë bëjnë pjesë 15 deputetë të Listës Guxo dhe të Alternativës së znj. Mimoza Kusari edhe pse këto dyja parti në anketimi dalin 2-3% marrë së bashku. Por atje është lexuar se ideja e bashkimit është përtej numrave që japin anketat.

VLENi në zgjedhjet e fundit ka marrë, ndoshta, rreth 35 apo 40 mijë vota mbi numrin e rezultateve që nxirrnin anketimet që u bëheshin në ato kohëra partive individuale.

Anketimi është një mekanizëm që mund të ishte shumë i dobishëm në rastin kur dy parti pajtohen të bëjnë koalicion parazgjedhor dhe duan t’i masin forcat. Por kur bëhet edhe brenda koalicionit, që tashmë funksionon si i tillë për 1 vit dhe ka një histori suksesi të përbashkët, kjo do të sillte vetëm sherr e dëm.

Anketimet brenda për brenda VLENit vërtetë se mund të rrisin gradën e objektivitetit por zbehin subjektivitetin e VLENit në vetvete.

Kryeministri në dorëheqje, Albin Kurti, mori pjesë sonte në pritjen e organizuar nga ambasada e Gjermanisë në Kosovë, me rastin e emërimit të drejtorit të ri ekzekutiv të Odës Ekonomike Gjermano-Kosovare, Besnik Vasolli.

Në fjalën e tij, Kurti tha se Gjermania ka qenë, dhe vazhdon të jetë, një nga partnerët, aleatët dhe miqtë më të rëndësishëm.

“Ne e vlerësojmë jashtëzakonisht se si është rritur bashkëpunimi ynë – nga ndërtimi i paqes dhe zhvillimi demokratik e deri tek formësimi i tanishëm i progresit ekonomik së bashku,” ka thënë ai.

Ai shtoi se Oda Ekonomike Gjermano-Kosovare, si platformë për biznes, ka shërbyer si urë lidhëse ndërmjet vendeve dhe kompanive.

“Me mbi gjysmë milion të rinj nga mosha 15 deri në 30 vjeç, Kosova është plot energji, kreativitet dhe potencial. Ky potencial rritet më së miri në një ekosistem të shëndetshëm: me institucione të forta, drejtësi dhe partneritete që janë ndërtuar mbi besimin reciprok dhe qëllimet e përbashkëta. Njëjtë si partneriteti ynë,” u shpreh Kurti.

Në vijim ai përmendi se Kosova është e para në rritje ekonomike në Ballkanin Perëndimor sipas Bankës Botërore, e para në përmirësimet në sundim të ligjit në rajon dhe e dyta në nivel global sipas World Justice Project, e dyta në Evropë dhe e treta globalisht për liritë civile sipas Freedom House, dhe e para sa i përket demokracisë elektorale në Ballkanin Perëndimor sipas Institutit V-Dem.

Të shtëna me armë në Tiranë. Pranë zënës së Liqenit. Dyshohet për një konflikt të  çastit, ku njëri dyshohet se ka qëlluar me armë zjarri. Mendohet se ka një të plagosur i cili eshte derguar për ndihmë në një spital privat.

Mësohet se 7 persona jane konfliktuar midis tyre me grushte dhe sende te forta. Nje ka mbetur i plagosur dhe nje nga personat qe ka qene ne konflikt ka qelluar me arme

Policia në vendngjarje po heton për detaje te tjera.

Bitcoin ra me 2 përqind ditën e Dielë ndërsa asetet dixhitale po përpiqen të rikuperojnë përballë sinjaleve të paqarta të politikës tregtare të Uashingtonit me Kinën.

Çmimi i kriptomonedhës më të madhe në botë ra në 83,482 dollarë gjatë orëve të para të tregtimit në Azi duke humbur kështu fitimet e gjeneruara javën e kaluar.

Ethereum, kriptomonedha e dytë më e madhe në botë, ra nën 1,600 dollarë ndërsa altcoin-et patën rezultate të ndryshme sipas të dhënave të CoinGecko.

Rënia erdhi pas një fundjave tjetër turbullirash nga administrata Trump, nëse pajisjet elektronike prodhuar në Kinë, përfshirë smartfonët, gjysmëpërçuesit dhe laptopët do të përballen me tarifa të reja.

Mbrëmjen e së Dielës Trump postoi në rrjetin social Truth duke qartësuar se pajisjet elektronike ishin përjashtuar nga regjimi tarifor 10 përqind ndërsa të njëjtat produkte do të mbeteshen subjekt i një takse 20 përqind.

“ASKUSH nuk do të shpëtojë për bilancet e padrejta tregtare dhe barrierat tarifore jomonetare, që vendet e tjera kanë përdorur kundër nesh, veçanërisht Kina, e cila, deri tani, na trajton më keq!” ka shkruar Trump. “Nuk kishte asnjë ‘përjashtim’ tarifor të shpallur të premten.”

Sekretari i Tregtisë Howard Lutnick gjatë fundjavës tha se tarifa të veçanta do të vendosen mbi pajisjet elektronike në dy muajt e ardhshëm.

/PCWorld Albanian

3

Princi Harry vendosi të zgjasë një “degë ulliri” për William dhe Kate Middleton gjatë qëndrimit të tij katër-ditor në kryeqytetin britanik javën e kaluar, ku ai udhëtoi nga SHBA për të marrë pjesë në një seancë në Gjykatën e Lartë në Londër për dëgjimin e apelit të tij në lidhje me ndryshimet në statusin e tij të mbrojtjes në Britani.

Sipas një burimi pranë Dukës së Sussex-it, i cili foli për shtypin britanik, djali më i vogël i mbretit Charles dhe i Princeshës së ndjerë Diana zgjodhi të qëndronte në një hotel shumë pranë rezidencës mbretërore ku banon trashëgimtari i fronit britanik me familjen e tij.

Konkretisht, Princi Harry ka qëndruar në hotelin luksoz “Coworth Park Hotel” në Ascot, i cili ndodhet vetëm 10 km larg. nga Windsor ku Princi William jeton me Kate Middleton dhe tre fëmijët e tyre. Edhe pse rezidenca zyrtare e Princit dhe Princeshës së Uellsit është Pallati Kensington, vitet e fundit familja mbretërore britanike ka banuar në “Adelaide Cottage”, e cila ndodhet në truallin e kështjellës Windsor.

Megjithatë, “Coworth Park Hotel” me pesë yje është i lidhur edhe me të kaluarën e afërt të dy vëllezërve, pasi Princi William dhe Princi Harry qëndruan në këtë hotel natën e fundit të dukës si beqar para dasmës së tij me Meghan Markle në maj 2018. Miqtë e Princit Harry i thanë shtypit britanik se mbretëria zgjodhi këtë hotel për të vendosur një “degë ulliri” për William dhe Kate”.

“Vendimi për akomodimin ne (hotel), i cili iu përcoll Williamit dhe Kate përmes shërbimeve të sigurisë, u pa si një shenjë paqeje pas shumë vitesh largim”, thonë miqtë e Princit Harry.

Ata theksuan se në rrethin e brendshëm të princit e dinë se ai dëshiron të hapë një dialog të ri me familjen e tij, por në të njëjtën kohë, ata pranuan se kjo është e vështirë pasi Duka i Sussex dhe gruaja e tij kanë thënë shumë gjëra kundër familjes mbretërore në shfaqje televizive dhe në Netflix.

Megjithatë, gjatë qëndrimit të tij të shkurtër në Londër, Princi Harry nuk pati mundësinë të takonte as Princin William dhe as mbretin Charles.

Duka i Sussex mbërriti në Londër të dielën, më 6 prill, ndërsa mbreti Charles u nis me mbretëreshën Camilla për një vizitë zyrtare në Itali të hënën, më 7 prill. Megjithatë, të dy nuk u takuan, sipas mediave britanike. Herën e fundit që monarku britanik 76-vjeçar u takua me djalin e tij më të vogël për rreth gjysmë ore ishte në shkurt 2024, disa ditë pasi mbreti Charles njoftoi se ishte diagnostikuar me kancer.

Princi Harry dhe Meghan Markle u vendosën përgjithmonë në SHBA në vitin 2020, pasi çifti hoqi dorë nga detyrat mbretërore. Harry dhe ish-aktorja jetojnë në një rezidencë luksoze në Montecito, Kaliforni, me dy fëmijët e tyre, Princin Archie, pesë vjeç dhe Princeshën Lilibet, vetëm tre vjeç.

Sali Berisha ka drejtuar kritika të ashpra ndaj drejtuesve aktualë të Tiranës dhe figurave kyçe të qeverisë, duke i akuzuar për korrupsion dhe për keqmenaxhim të situatës gjatë pandemisë së COVID-19. Sipas tij, mungesa e shtretërve spitalorë dhe politika e kufizuar e shtrimeve kontribuan në vdekshmëri të lartë, ndërsa fondet për pajisje mjekësore u shpërdoruan.

Fjala e Kryedemokratit Sali Berisha:

Tani, është i vetëm ai? Jo, nuk është i vetëm. Merrni pak, shihni ekipin e tij. Urdhëroni, ja ku e keni ekipin. Shiheni pak, ja ku e keni.
Shihni këta njerëz, këtë ekip. Shihni kush e drejton Tiranën.
E drejton një person që 100 herë nuk mund t’i gjesh emër tjetër përveç Korba e Korrupsionit.
Pse e them këtë? Sepse ministre shëndetësie, ajo vodhi dhe shpërdoroi me klanin e saj dhe Edi Ramën, qindra milionë euro të përcaktuara për të blerë maska, për të blerë respiratorë, për të blerë ilaçe.
Dhe në vend të tyre, bashkë me Edi Ramën, shndërroi Tiranën në një megaspital. Vendosi praktikën e shtrimit në spitale më të kufizuar në Europë dhe në botë.
Kosova me një popullatë 40 përqind më të vogël se ne, kishite 1200 shtretër, Shqipëria 500 realë dhe 700 me gënjeshtra.
Pse vdiqën 20 mijë shqiptarë nga Covid-i? Ajo qe sëmundje e rëndë, por ata vdiqën se nuk u mjekuan. Dhe nuk është se nuk pati praktika. Vendi me vdekshmërinë më të ulët në botë, bëri shtrimet më të mëdha në botë. Japonia bëri shtrimet më të mëdha se SHBA, Franca, Gjermania dhe pati vdekshmërinë më të ulët.
Kurse këta talleshin, këta fshihnin vdekjen. E paimagjinueshme, ajo dilte dhe ua pjesëtonte shqiptarëve me tre numrin e të vdekurve.
Ajo tani drejton Tiranën. Po ku mund ta krahasosh?
A nuk është dallimi si nata me ditën midis saj, Erisa Bajazitit, Ilda Zhulalit dhe Akil Krajës?
Nuk janë këta, këta janë të padenjë.
Po çfarë meritash ka Pëllumbesha Spirogjoka?
Çfarë meritash ka ajo përveçse i thotë Edi Ramës, Skënderbeu?
Urdhëroni, vjen me gjërat më të thjeshta në detyrë, bëhet 5-milionëshe dhe bëjnë garë me njëra-tjetrën për alta modën.
Kam shëtitur jo pak dhe nuk kam parë kurrë ministra luksi si në Shqipëri.
E ka lënë Ronald Regan, kur i thotë Nensit që, ajo kishte perla artificiale që kushtonin 10 dollarë. Mirë, se kaq i mbajnë qytetarët tanë tani,edhe ne do bëjmë si ata.
Pra, nuk do ndalem më shumë tek këta njerëz, por këta janë armiq të qenies tonë, jo vetëm të demokratëve.
Ndaj nesh janë sjellë si armiq, por ata janë armiq edhe të socialistëve të ndershëm, të qytetarëve të ndershëm.
Unë kam dalë, kam shëtitur në treg, kam takuar njerëz të të gjitha bindjeve, por të gjithë ata ishin qenie jashtëzakonisht të dhimbshme. Nuk shesim gjë, më thoshin. Tjetri më tha, unë jam më i riu këtu, nuk ka të ri. Tjetri më tha, xhiro që bëjmë ditën e festës, vetëm ajo i afrohet xhiros që bënim para ardhjes së tyre në pushtet.

Source link