Author: arso

399

Tensioni i lartë i gjakut është një problem shumë i madh dhe i përhapur shëndetësor.

Hipertensioni, nëse nuk trajtohet siç duhet mund të shkaktojë problem mjaft katastrofike si diabet, sëmundje kardiovaskulare, problem me veshkat dhe me aftësistë e trurit.

Mediakmentet që njerëzit që vuajnë nga tensioni i gjakut përdorin mund të shoqërohen me probleme të tjera anësore duke përfshirë, marramendjen, pagjumësinë dhe kontraktimet e muskujve.

Disa produkte që ju gjeni në shtëpi mund t’i përdorni shumë thjeshtë për këtë problem siç janë hudhrat, limoni apo uthulla e mollës.

Ja disa nga kurat natyrale të cilat janë shumë efikase kundër tensionit të lartë:

Kura me hudhër

Hudhra përmban substanca sulfuri që kanë aftësinë të ulin tensionin e gjakut dhe të largojnë kolesterolin dhe toksinat nga organizmi.

Ato stimulojnë prodhimin e oksidit nitrik dhe rregullojnë tensionin e gjakut, duke bërë që të zgjerohen enët e tij.

Këshillohet që të konsumoni 2-4 thelpinj hudhër të freskët në mëngjes përpara se të hani ushqim ose para se të flini.

Duhet ngrënë e gjallë hudhra sepse gatimi e humbet shumicën e ushqyesve të nevojshëm.

Kura me lëng limoni

Për këtë kurë duhet ujë dhe një limon

Shtrydheni limonin në një gotë me ujë dhe pijeni atë çdo mëngjes përpara se të konsumoni ushqim.

Këshillohet që të konusmoni limonë pasi ato kanë aftësinë që të ruajnë fleksibilitetin dhe funksionet e enëve të gjakut duke ulur kështu tensionin.

Kura me uthull molle dhe sodë buke

Për këtë kurë nevojitet ujë, një majë luge çaji me sodë buke dhe një lugë gjelle me uthull molle.

Këshillohet që të konsumoni uthullën e mollës pasi përmban shumë minerale të dobishme si kaliumi, magnezi dhe kalçiumi që janë thelbësore për qarkullimin e gjakut dhe uljen e tensionit.

Përzieni një lugë gjelle me uthull molle, një majë luge çaji me sodë buke dhe një gotë me ujë.

Për rezultate më të mira këshillohet që ta konsumoni dy herë në ditë.

Edon Zhegrova vazhdon të jetë brengë e madhe për skuadrën franceze Lille. Sulmuesi kosovar shkëlqeu në vjeshtë, por ka munguar që nga 14 dhjetori.

Ai që besohej të ishte një lëndim i lehtë, e ka lënë 25-vjeçarin jashtë fushës së blertë për më shumë se tre muaj e gjysmë.

Bëhet fjalë për një lëndim në pjesën e poshtme të barkut, ndërsa pritja për kthimin e Zhegrovës vazhdon.

Është pritur që Zhegrova të kthehet në fushën e blertë pas ndeshjeve të përfaqësuese. Ndeshjet e përfaqësueseve përfunduan të martën, ndërsa Lille të dielën e luan derbin e veriut ndaj Lensit.

Ndeshja zhvillohet nga ora 20:45 dhe i takon xhiros së 27-të të kampionatit francez. Lille është i gjashti me 44 pikë, ndërsa Lensi i teti me 39 pikë.

Lille të premten njoftoi për mungesën e Zhegrovës dhe Ethan Mbappes. Për yllin kosovar në konferencë për shtyp foli trajneri i Lille, Bruno Genesio.

“Ne kemi shpresuar ta kemi në skuadër Zhegrovën për të dielën. Qartë se nuk prisnim që ai të ishte gati të luante nga fillimi pasi Edoni është jashtë për më shumë se tre muaj. Por në fund gjendja e tij nuk ishte aq e kënaqshme sa ta përfshijmë në skuadër”, ka thënë Genesio.

Zhegrova po e vazhdon rehabilitimin dhe riintegrimin gradual në skuadër, ka vazhduar trajneri i Lille. Zhegrova i është nënshtruar një ndërhyrjeje, por faza e rikuperimit po zgjat më shumë se që pritej.

Më 5 prill, Lille luan në udhëtim ndaj Lyonit, në kuadër të xhiros së 28-të. Në atë ndeshje Zhegrova mund të përfshihet në skuadër.

“Shpresoj që për ndeshjen me Lyonin mund të konsiderojmë që ta kemi atë në skuadër. Por duhet të shqyrtojmë gjendjen ditë pas ditë, pasi ndonjëherë ai ndihet shumë më mirë dhe më pas të nesërmen ndihet sërish pak jo komod. Ka të bëjë edhe me dëgjimin e ndjenjave të tij, trupit të tij, ditë pas dite”, ka shtuar Genesio, që nuk ishte shumë i qetë gjatë prezantimit për gazetarët.

Pas shkëlqimit në vjeshtë, ku është pritur të jetë edicion i shpërthimit të Zhegrovës në kampionatin francez. Por prioritet për sulmuesin e krahut aktualisht është kthimi në fushë. Deri në fund të kampionatit francez kanë mbetur edhe tetë xhiro. Mbetet të shihet në sa prej tyre do të paraqitet Zhegrova dhe nëse do të vazhdojë të jetë vendimtar si në pjesën e parë të kampionatit.

Në 12 paraqitje kampionale, Zhegrova i kishte katër gola e një asistim. Në nëntë paraqitje në Champions, duke përfshirë kualifikimet, i realizoi katër gola e një asistim. Ndër të tjera u shpall më i miri i ndeshjes ndaj Real Madridit.

Source link

Source link

51

Pacientët me kancer qe gjysmë viti blejnë vetë një ilaç për kimioterapi, ndonëse ishte i kontraktuar nga SHSKUK-ja. Në kundërshtim me ligjin, ky institucion nuk ndërmori masa ndëshkuese ndaj kompanisë që dështoi ta bëjë furnizimin me këtë medikament. Nga kompania nuk kanë kthyer përgjigje

Dështimi i Shërbimit Spitalor Klinik Universitar për ta siguruar një medikament që përdoret për kimioterapi i ka detyruar pacientët me kancer që prej gjashtë muajsh ta blejnë vetë atë.

Për mungesën e medikamentit Gembcitabinë, në tre muajt e fundit të vitit të kaluar SHSKUK-ja e fajësoi kompaninë për mospërmbushje të kontratës për furnizim, e për tre muajt e parë të këtij viti u arsyetua se nuk pati operator të përgjegjshëm për ta kontraktuar.

Për pasojë, pacientët paguajnë 200 euro në muaj për ilaçin.

Më 24 nëntor të 2023-tës, SHSKUK-ja i dha dy kontrata kompanisë “LEGO Sh.P.K.” në vlerë totale 141 mijë e 538 euro për ta siguruar produktin me dy doza të ndryshme për një vit. E kontrata në vlerë 98 mijë e 967 euro, që kishte për qëllim ta sillte barin me dozë 1 gram, nuk u përmbush.
Kompania nuk ka kthyer përgjigje në pyetjet e Kohës për mospërmbushjen e kontratës.
E në SHSKUK treguan arsyetimin e kompanisë, për të mos e bërë furnizimin.

“Kjo kontratë është realizuar rreth 50% e vlerës së kontratës dhe në kërkesën e radhës për furnizime, Operatori Ekonomik deklaron se nuk mund ta furnizojë për arsye se prodhuesi nuk e mbështet me furnizim për një periudhë të gjatë kohore dhe do të ketë vonesa të mëdha në furnizim”, thuhet në përgjigjen e SHSKUK-së.

Ndonëse kompania nuk ka arritur ta furnizojë ShSKUK-në në tre muajt e fundit të 2024-tës, ky institucion nuk e ka ndëshkuar, ndonëse masa të tilla parashihen me ligj të prokurimit.

Në Zyrën e prokurimit thanë se ndëshkimi nuk është kërkuar nga menaxheri i kontratës.

“Zyra e prokurimit konform legjislacionit në fuqi tek çdo rast, e po ashtu edhe tek ky rast konkret, vepron sipas shkresave, kërkesave dhe rekomandimeve të menaxherit të kontratës. Lidhur me këtë aktivitet të prokurimit, nuk ka pasur ndonjë shkresë apo rekomandim nga menaxheri i kontratës për veprime specifike. Prandaj si rezultat i saj nuk është ndërmarrë ndonjë veprim”, thuhet tutje në përgjigje.

Në SHSKUK nuk treguan arsyet për mungesën e një rekomandimi të tillë. Nëpërmjet këtij institucioni, KOHA adresoi pyetje tek menaxheri i kontratës, por përgjigjet kanë munguar.

E hulumtuesi në organizatën “Demokraci plus”, Ardit Dragusha, thotë se menaxheri ka bërë shkelje, kur nuk ka rekomanduar masa ndaj kompanisë që ka lënë pacientët me kancer pa një medikament.

“Në qoftë se menaxheri i kontratës, i cili është duke menaxhuar atë kontratë e sheh që operatori ekonomik nuk është duke e bërë furnizimin dhe nuk merr masa ndaj këtij operatorit ekonomik, atëherë është duke bërë shkelje, por procedura si shkon është që menaxheri duhet të njoftojë zyrën e prokurimit publik për inicimin e procedurës së shkëputjes së kontratës, pastaj duhet të vijë deri te konfiskimi i sigurisë së ekzekutimit”, ka thënë Dragusha.

Bazuar në dosjen e tenderit, kompanisë mund t’i merrej shuma prej rreth 10 mijë eurosh, sa është vlera e sigurisë për ekzekutimin e kontratës.

Më 20 dhjetor, SHSKUK-ja provoi të lidhte kontratë të re për të siguruar furnizimin me ilaçin për kimioterapi, porse procedura e prokurimit dështoi, meqë oferta nuk ishte e përgjegjshme. SHSKUK-ja ka riinicuar procedurat e prokurimit dhe më datën 28 mars do të bëhet hapja e ofertave.

Medikamenti Gembcitabinë është në Listën esenciale të barnave dhe si i tillë duhet të sigurohet nga shteti./koha

Source link

39

Ardhja e pranverës shoqërohet me një përkeqësim të simptomave të astmës, veçanërisht të asaj të shkaktuar prej polenit.

Simptomat e astmës kanë gjithashtu tendencën të përkeqësohen veçanërisht tek fëmijët, gjë që nxjerr në pah rolin e motit tek kjo sëmundje.

Një studim i kryer në Detrojt zbuloi se një rritje e beftë e temperaturës me të paktën 10 gradë ose e lagështisë në ajër me të paktën 10 përqind, rrit ndjeshëm numrin e fëmijëve azmatikë që kanë nevojë të shtrohen në spital.

Substancat nxitëse të azmës janë të pranishme në çdo stinë.

Bëhet fjalë për duhanin, polenin, pluhurat, lagështia, viruset, temperatura e të tjerë.

Astma

Ajri i ftohur mund të ngushtojë rrugët e frymëmarrjes tek azmatikët.

Në rastin e fëmijëve, astma bëhet më e pranishme në pranverë dhe vjeshtë.

Astmatikët janë më të prirur të preken nga virozat se njerëzit që nuk vuajnë nga ky problem.

Gripi dhe e ftohura zgjasin më shumë tek astmatikët dhe janë më të rrezikshme.

Infeksionet në rrugët e frymëmarrjes përkeqësojnë inflamacionin kronik të shkaktuar nga astma.

Në fakt, gripi dhe e ftohura janë përgjegjëse për të paktën 80 përqind të vështirësisë në frymëmarrje tek fëmijët dhe 50 % tek të rriturit.

Astma në dimër

Ajri i thatë dhe i ftohti mund të përkeqësojnë astmën

Për këtë arsye, astmatikët këshillohen të mbajnë shall ose maska mbrojtëse të rrugëve të frymëmarrjes nga i ftohti.

Në këtë stinë, azmatikët duhet të jenë të mbrojtur edhe nga ajri i brendshëm që mund të jetë i mbushur me alergenë, pluhur dhe myk.

Pranvera Dhe Astma

Pranvera njihet si stina e polenit, një nxitës azmatik që shkakton inflamacion të rrugëve të frymëmarrjes.

Nivelet e polenit janë të larta nga ora 4 deri në orën 10 të mëngjesit çdo ditë, ndaj azmatikët duhet të tregojnë shumë kujdes.

Muajt Maj dhe Qershor janë më të këqinjtë.

Gjatë gjithë stinës, azmatikët tështijnë, kruhen dhe u rrjedhin hundët më shumë se zakonisht.

Astma Në Verë

Vera është një stinë më e lehtë për astmatikët dhe ata që kanë probleme me rrugët e frymëmarrjes.

Megjithatë ka njerëz më të brishtë ndaj nxehtësisë dhe lagështisë.

Nga ana tjetër, në verë cilësia e ajrit është shumë e keqe dhe mund të nxisë jo vetëm simptomat e azmës por edhe probleme me rrugët e frymëmarrjes.

Megjithatë, në përgjithësi muajt e verës konsiderohen si më të qetë dhe më të përballueshëm.

Cristiano Ronaldo ka fituar një çmim tjetër individual.

Sulmuesi portugez u nderua me çmimin ”Guinness World Record”.

Ky çmim i ndahet Ronaldos për shkak se ka arritur ë së shumti fitore në karrierën ndërkombëtare të futbollit për meshkuj.

Ai ka fituar 132 ndeshje nga viti 2003 deri në netor të vitit 2024