Author: arso

Source link

2

Banania është një frut tropikal popullor, i pasur me vitamina dhe minerale. Për shkak të përmbajtjes së lartë të kaliumit, rekomandohet veçanërisht për njerëzit që vuajnë nga lodhja, mungesa e energjisë dhe presioni i lartë i gjakut. Prandaj, shpesh është zgjedhja e parë për mëngjes, gjë që dietologët nuk e rekomandojnë.

Bananet e pjekura përbëhen kryesisht nga karbohidrate, gjysma e të cilave janë sheqerna, duke i bërë ato një nga frutat me përmbajtjen më të lartë të sheqerit. Për shkak të përmbajtjes së lartë të kaliumit, bananet janë të dobishme për parandalimin e presionit të lartë të gjakut dhe sëmundjeve kardiovaskulare, si dhe për shëndetin e veshkave.

Fruti përmban shumë pak proteina dhe një sasi të papërfillshme yndyre. Bananet janë gjithashtu një burim i shkëlqyer i vitaminës B6 dhe kaliumit, si dhe janë të pasura me vitaminë C, mangan, magnez dhe disa vitamina të tjera të kompleksit B. Megjithatë, pavarësisht të gjitha efekteve pozitive dhe vlerave ushqyese të bananeve, ato nuk janë një zgjedhje e rekomanduar për mëngjes.

Përmbajtja e lartë e sheqerit ka një ndikim të rëndësishëm në mirëqenien tonë gjatë gjithë ditës. Kur hamë një banane, nivelet e sheqerit në gjak dhe të energjisë rriten ndjeshëm, por në të njëjtën kohë bien në mënyrë drastike, shpjegoi nutricionisti Dr. Darly Gioffre.

Kjo më pas çon në një ndjenjë të shtuar të urisë, kështu që njerëzit që e nisin ditën me një banane përfundojnë duke konsumuar më shumë kalori gjatë gjithë ditës sesa do të bënin ndryshe. Gjithashtu, sipas tij, bananet nuk janë tamam një zgjedhje ideale për tretje të mirë. Kur konsumohet sheqeri, ndodh një proces fermentimi, në të cilin sheqeri kthehet në acid, duke bllokuar kështu tretjen.

Një zgjedhje shumë më e mirë për mëngjes janë drithërat si dhe një sanduiç i shëndetshëm, ndërsa bananet janë një zgjedhje më e mirë për një meze të lehtë.

Pas Roberto Bakaj, në Bochum të Gjermanisë ka shënuar fitore dhe boksieri tjetër shqiptar, Amarildo.

Amarildo shënoi fitore kundër kundërshtarit të tij, Jose Rivas.

Një super paraqitje nga Bakaj dhe qysh në raundet e para tregoi se është futur në ring për të fituar.

Kujtojmë që në Bochum të Gjermanisë arriti fitore edhe boksieri tjetër shqiptar, vëllai i Amarildos, Roberto Baka

Prokuroria themelore publike ka njoftuar se është zgjeruar hetimi për rastin me tragjedinë në Koçan edhe ndaj 19 personave të tjerë.

Sipas Prokurorisë  të gjithë dyshohen për vepra të rënda ndaj sigurisë së përgjithshme.

“Bëhet fjalë për persona zyrtarë, të cilët në periudhën nga viti 2012 deri në 16 mars të vitit 2025, secili në bazë të kompetencave dhe përgjegjësisë, nuk kanë vepruar aspak sipas masave të caktuara për mbrojtje me çka kanë shkaktuar rrezik për jetën dhe trupin e njerëzve dhe pronën në përmasa të mëdha. Në mesin e të dyshuarve të rinj janë inspektorë të autorizuar ndërtimi në komunën e Koçanit, drejtorë dhe inspektor i përgjithshëm i Drejtorisë për Mbrojtje dhe Shpëtim, ministra të Ekonomisë, sekretarë shtetëror dhe persona të tjerë zyrtar nga kjo ministri, si dhe inspektorë të Inspektoratit të Tregut”, thekson Prokuroria.

Prokuroria ka njoftuar se në Gjykatën Themelore të Koçanit do të parashtrojë propozime për caktimin e masës së sigurimit të pranisë së të gjithë të dyshuarve të rinj.

Me zgjerimin e hetimit deri në këtë moment, Prokuroria e Koçanit lidhur me zjarrin ka ngritur procedurë hetimore në total ndaj 45 personave fizikë dhe 3 juridikë. Njëri prej tyre pas hapjes së procedurës ndërroi jetë për shkak të plagëve të marra, dhe për këtë qëllim procedura ndaj tij ndërpritet

Shteti i Sudanit është bërë i 119-ti që e ka njohur Pavarësinë e Kosovës. Njohja u konfirmua të shtunën nga takimi i ministrit të Jashtëm i këtij shteti me presidenten Vjosa Osmani

E vendimi u bë publik pikërisht kur në Serbi – që në vazhdimësi lufton kundër njohjeve të Kosovës – u paralajmëruan aktivitete për të shënuar “jubileun historik” të raporteve Serbi-Sudan.

“Para 70-vjetorit të raporteve diplomatike Serbi-Sudan vitin e ardhshëm, ministri Ali Youssef Ahmed Al-Sharif dhe unë patëm diskutim në telefon për mundësinë e ndërmarrjes së aktiviteteve të përbashkëta për të shënuar këtë jubile të rëndësishëm. Po ashtu u pajtuam që të prioritizojmë intensifikimin e dialogut tonë politik dhe bashkëpunimit në tregti e arsim në periudhën përpara”, pati shkruar ministri në detyrë i Punëve të Jashtme i Serbisë, Marko Gjuriq më 3 prill në Instagram.

Sot, 12 prill, ministri Youssef në takimin me presidenten Osmani në margjina të Forumit Diplomatik të Antalias tha se është i nderuar që në emër të popullit të Sudanit e njeh Kosovën si shtet.

“Jam i nderuar dhe i privilegjuar që jam dërguar nga presidenti im këtë pasdite, dhe pas takimit me presidentin Recep Tayyip Erdogan, që ishte një ogur i mirë për këtë mbledhi që e kemi këtu në Turqi, dhe që vendosëm ta njohim vendin tuaj të bukur. Jam shumë i nderuar që në emër të popullit paqedashës të Sudanit, e njohim shtetin tuaj si një pjesëtar të komunitetit ndërkombëtar…. Dua që po ashtu t’i përcjellë urimet e përzemërta të presidentit tim dhe të kolegëve që tani janë këtu me mua, dhe dëshirojmë që ky të jetë fillimi i një bashkëpunimi që neve në Sudan na duhet shumë, pasi që ju, në fakt, jeni një vend i vogël porse jeni plot me përvojë dhe me njohuri. Dhe pasi që bisedova me ju tani duket se do të kemi marrëdhënie bilaterale shumë të forta. Vendi juaj gjithashtu ka pasur luftë dhe ne kemi probleme serioze e jemi vend paqedashës dhe do t’ju drejtohemi në të ardhmen, në të ardhmen shumë të afërt. Dhe natyrisht jemi të nderuar që t’ju kemi mysafir në Sudan dhe jam i sigurt se do të nisim të kemi vizita. E kemi ambasadorin tonë këtu. Pranoni urimet e mija dhe pranojeni përkushtimin tim shumë të çiltër për zhvillimin e marrëdhënieve të mira me vendin tuaj”, ka thënë ministri sudanez.

Teksa Kosova zyrtarisht njihet nga 119 shtete, sipas listës së Ministrisë së Punëve të Jashtme të Kosovës, Serbia pretendon se nga këto shtete 28 e kanë tërhequr njohjen. Këtu pretendohet edhe Sierra Leona, përfaqësues të lartë të të cilit shtet patën takim një ditë më parë me Osmanin.

Source link

2

Ngjarja e ndodhur në spektaklin televiziv “Big Brother VIP Albania”, ku banori Jozi Marku goditi me shuplakë Gjestin gjatë transmetimit live, mund të ketë pasoja serioze ligjore. Sipas Kodit Penal të Shqipërisë, ky veprim përbën vepër penale dhe mund të dënohet me burgim.

Sipas Nenit 90 të Kodit Penal, goditja e një personi tjetër, edhe nëse nuk lë pasoja të rënda fizike, konsiderohet akt dhune me dashje, dhe dënohet me gjobë ose me burgim deri në 2 vjet.

Ngjarja, e cila ndodhi në mënyrë të papritur dhe publikisht përballë mijëra shikuesve, e rrit ndjeshmërinë morale dhe sociale të rastit. Megjithëse fakti që ndodhi gjatë një transmetimi televiziv nuk e ndryshon automatikisht klasifikimin penal, ai mund të ndikojë në vlerësimin e rrezikshmërisë shoqërore të veprës dhe në mënyrën si prokuroria i qaset rastit.

Procedimi penal për këtë vepër zakonisht nis me kallëzim nga viktima, përveç rasteve kur prokuroria vendos të ndërhyjë vetë, për shkak të ndjeshmërisë së lartë publike – siç mund të ndodhë në këtë rast konkret, ku incidenti u bë viral dhe shkaktoi reagime të shumta në rrjetet sociale.

Në rast se do të provohet përmes raportit mjekësor se viktima ka pësuar dëmtime fizike, atëherë rasti mund të klasifikohet më rëndë dhe të kualifikohet sipas Neneve 88 ose 89 të Kodit Penal, ku dënimet parashikohen më të ashpra se 2 vjet burgim.

Kujtojmë se në rastin konkret, Gjesti është trajtuar menjëherë pas incidentit dhe sipas raportimeve, gjendja e tij është stabilizuar. Ndërkohë, Jozi është arrestuar nga policia në vendngjarje dhe pritet që drejtësia të ndjekë procedurat ligjore për zbardhjen e plotë të rastit.

Source link