• July 23, 2021
 Shtohet fluksi i udhëtarëve/ Sugjerimi i Tirana International Airport: Paraqituni në aeroport 3 orë para udhëtimit


Ditët e fundit është shënuar një rritje e udhëtarëve në aeroportin “Nënë Tereza”. Për pasojë e këtij fluksi të shtuar, TIA ka sugjeron që pasagjerët të paraqiten në aeroport 3 orë para udhëtimit.

Sipas Tirana International Airport ky sygjerim vjen sepse është rritur fluksi i pasagjerëve që udhëtojnë nga TIA si dhe kontrolli i dokumetacionit dhe paraqitja e testit PCR marrin kohë. Në një postim në Facebook TIA thotë se kjo kohë do të jetë e e mjaftueshme që të organizoheni përpara fluturimit tuaj, qoftë për parkimin e automjetit tuaj, qoftë për kontrollin e dokumentacionit që kërkohet për vendet respektive ku udhëtoni.

Njoftimi i plotë i Tirana International Airport

Në vëmendje të të gjithë pasagjerëve që udhëtojnë nga Tirana International Airport

Duke marrë shkas nga rritja e fluksit të pasagjerëve që udhëtojnë nga TIA në këto ditë të sezonit veror, si dhe ardhjen e shumë bashkatdhetarëve nga jashtë, kontrollin e dokumentacionit për vendet që kanë vënë kufizime për pasaportat shqiptare – sidomos Italia – si dhe paraqitjen e testit PCR apo antigen në sportelet e TIA-s të pranimit të biletave – sipas kritereve të vendeve ku udhëtoni – sugjerojmë që paraqitja në aeroport të jetë 3 orë #️⃣përpara udhëtimit.

Kjo kohë do të jetë e mjaftueshme që të organizoheni përpara fluturimit tuaj, qoftë për parkimin e automjetit tuaj, qoftë për kontrollin e dokumentacionit që kërkohet për vendet respektive ku udhëtoni.

Ju rikujtojmë se jemi në dispozion të çdo pasagjeri për t’i shërbyer sa më mirë, e në të njëjtën kohë, mbetemi besnikë të durimit dhe bashkëpunimit, sepse kohërat janë të pazakonta dhe na duhen të gjithëve fuqi të pazakonta.

Ju falenderojmë për mirëkuptimin,

Tirana International Airport


Top Channel





Source link

Leave a Reply

Your email address will not be published. Required fields are marked *

Related post

Contact Us