• July 30, 2021
 Jahjaga: Me diçka që jam krenuar gjithmonë



Kosova A për herë të parë do të garojë në arenën ndërkombëtare. Vashat e Kosovës po përgatiten për të qenë sa më të gatshme për Kampionatin Evropian për Shtete të Vogla, që zhvillohet nga 20 deri më 25 Korrik në Qipro. Kjo shënon edhe debutimin e vashave Dardane në garat evropiane.

Basketbollistet e Kosovës i ka vizituar ish-presidentja e Republikës së Kosovës, Atifete Jahjaga.

“Ndihem e lumtur që jam në mesin tuaj. Me diçka që jam krenuar gjithmonë, si presidente dhe pas përfundimit të mandatit, është se, sportistët kanë qenë ambasadorët më të mirë të vendit në arenën ndërkombëtare. Ata kudo që kanë shkuar, kanë përfaqësuar vendin në mënyrën më të mirë të mundshme.

Linda (Shala) më tha se ju për herë të parë do të merrni pjesë në një garë ndërkombëtare, dhe kjo është një fitore në vete, pa marrë parasysh rezultatet në fushë. Ju jeni fitimtare.

Nga zemra ju dëshiroj fat dhe suksese. Do të jem një lobuese e fuqishme e juaja pa marrë parasysh kudo që jeni”, është shprehur Jahjaga para zyrtarëve të lartë të FBK-së, stafit dhe lojtareve të Kosovës A.

Nënkryetarja e FBK-së, Linda Shala ishte shumë e lumtur që ish-presidentja e Kosovës mbajti një fjalim shumë frymëzues.

“Ne kemi pasur nderin që kemi pasur presidenten e parë grua në Ballkan.

Presidentja edhe pse ka përfunduar mandatin ka përkrahur fuqishëm rininë dhe gratë në të gjitha sferat e jetës. Ajo na ka nderuar me prezencën këtu. Rrugëtimi i saj gjatë jetës ka bërë që ajo të jetë Presidente e Kosovës, me punë dhe përkushtim. Kjo është edhe një frymëzim për ju”, ka thënë Shala.





BURIMI I LAJMIT

Leave a Reply

Your email address will not be published. Required fields are marked *

Related post

Contact Us