Rama falenderon patronazhistët: Punojnë vullnetarisht, do fitojmë 74-78 mandate


Kryeministri Edi Rama ka vijuar në Durrës turin elektoral, ku ka zhvilluar një takim me të rinj. Nga qyteti bregdetar, kreu i qeverisë ka dhënë edhe një shifër të mandateve që fiton PS në zgjedhjet e 25 prillit.

Gjatë fjalës së tij, Rama shprehu falënderime për të rinjtë dhe angazhimin e tyre, madje falënderoi publikisht edhe patronazhistët e PS, pavarësisht zhurmës së krijuar në opinionin publik, pas publikimit të skandalit të të dhënave të 910 mijë qytetarëve, të cilat janë në duart e socialistëve.

Duke iu referuar “betejës” elektorale të pas një jave, Rama tha se PS parashikon një rezultat fitues. Sipas tij e majta do të fitojë 74-78 mandate. Këtë besim Rama e sheh te organizimi i brendshëm i PS dhe puna e bërë pikërisht nga të ashtuquajturit patronazhistë, të cilët tha se punojnë vullnetarisht në funksion të fitoreve të socialistëve.

“Sot ata që nuk e dinë se çfarë pune, çfarë angazhimi të padukshëm ka brenda PS, kanë zbuluar fjalën patronazhist, dhe e sjellin vërdallë e vërdallë, duke e deformuar kuptimin e saj. Për faktin se ata nuk e dinë se PS, është një familje ku të angazhuarit brenda familjes punojnë. Punojnë vullnetarisht, pas pune, pas shkolle, punojnë duke marrë nga koha e tyre e lirë për të mbuluar territorin shpirtëror të këtij vendi. Për të pasur komunikim të drejtpërdrejtë me njerëzit e zakonshëm të këtij vendi. Sepse beteja e përditshme e PS është beteja për të fituar mendjet dhe zemrat e njerëzve.

Pastaj çuditen, sepse shkojnë dhe zbresin në fushën e lojës me atë gafurrjen të dikujt që mendon dhe që beson e kujton se i takon fitorja dhe se është i fituar. Kur hyn në fushën e lojës me ne, fillojnë dhe kuptojnë që nuk është kaq e lehtë. Kur bie bilbili dhe shohin rezultatin është 74 deri ne 78. Natyrisht për gjerat që kemi bërë, për besimin, dhe bindjen e shumicës së shqiptarëve se PS është e vetmja forcë që çon në majë vendin, edhe për faktin se PS nuk është Edi Rama, apo disa ministra apo disa deputetë që për shkak të detyrës dhe pozicionit janë të ekspozuar në sytë e njerëzve.

PS është një rrjet i organizuar mendjesh dhe zemrash që janë në të gjithë Shqipërinë. Rezultati për PS, për të cilin sot e shihni dhe hapin sytë kur unë ua them në ballafaqimet meditike është rezultati i angazhimit të secilit prej jush, nga veriu në jug, nga linda në perëndim. Për këtë unë ju jam, të gjithë mirënjohës, të gjithë patronazhistëve, aktivistëve të PS. Pasi fitorja jonë, është një fitore që krijohet nga puna dhe angazhimi i tyre. Ju bëj thirrje që mos lini asnjë derë pa trokitur”, u shpreh Rama.

24


Etiketa: , , , , ,




Source link

Share

Leave a Reply

Your email address will not be published. Required fields are marked *

Contact Us