• August 3, 2021
 250 mjekë e infermierë nesër në mëngjes nisen për vaksinim në Kukës


250 mjekë dhe infermierë të Kosovës nesër do të nisen në ora 08:00 të mëngjesit me destinacion Kukësin ku pritet të vaksinohen me vaksina anti-Covid të dhuruara nga Shqipëria.

Kështu ka njoftuar Federata e Sindikatave të Shëndetësisë, e cila ka thënë se gjatë ditëve në vazhdim do të vaksinohen edhe punëtorë tjerë shëndetësorë, shkruan Gazeta Shneta.

Lexoni njoftimin e plotë të FSSHK-së:

Njoftojmë opinionin e gjerë e sidomos punëtorët shëndetësor se ashtu siq kemi paralajmëruar është arritur marrëveshja për vaksinimin e punëtorëve shëndetësor të Kosovës në Kukës.

Nesër do të vaksinohen rreth 250 punëtorët e parë ndërsa në ditët në vijim do të vazhdohet edhe me 250 të tjerë.

Delegacioni i FSSHK-së i përbërë nga Kryetari Dr. Blerim Syla dhe Dr. Islam Krasniqi në prani të Ambasadorit të Kosovës në Shqipëri Zt. Nait Hasani sot kanë zhvilluar takim me Ministrinë e Shëndetësisë të Republikës së Shqipërisë dhe janë dakorduar për qështjet teknike të vaksinimit të punëtorëve shëndetësor të Kosovës.

Në fund edhe njëherë FSSHK falenderon Kryeministrin Rama,stafin e Ministrisë së Shëndetësisë të Republikës së Shqipërisë si dhe Ambasadorin e Kosovës në Shqipëri Zt. Nait Hasani për angazhimin e pashoq.

Për informatën tuaj në Kukës është duke u pregatitur një hapësirë e veqantë për vaksinimin e punëtorëve shëndetësor të Kosovës edhe pse në këto orë të vona të natës.



Source link

Leave a Reply

Your email address will not be published. Required fields are marked *

Related post

Contact Us