Nëse doni vetulla të trasha, mund t’i përfitoni fare lehtë në kushte shtëpie! – Lajmi.net

Nëse doni vetulla të trasha, mund t’i përfitoni fare lehtë në kushte shtëpie! – Lajmi.net


15:06 | 11 Shkurt 2021

Do të vëreni ndryshimin menjëherë pas përdorimit.

Vetullat e trasha janë rikthyer në trend viteve të fundit. Ju mund t’i rrisni dhe t’i forconi ato në kushte shtëpiake, në mënyrë natyrale, transmeton lajmi.net.

Në këtë mënyrë do të mund të evitoni trashjen e tyre me produkte kozmetike të cilat mund të jenë edhe të dëmshme dhe shpesh herë  jo shumë estetike.

Në vazhdim mund të gjeni disa përbërës për vetullat e juaja:

Vaji i kokosit

Për të pasur vetulla të dendura, ju mund të përdorni vajin e kokosit. Proteinat e ndryshme, si dhe vitaminat ushqyese të tilla si vitamina E, ndihmojnë shumë në kujdesin ndaj vetullave.

Vendoseni vajin e kokosit  në pambuk apo në gishtërinj dhe masazhojini lehtë vetullat. Lëreni vajin të qëndrojë gjatë natës dhe në mëngjes pastrojeni fytyrën.

Do të vëreni ndryshimin menjëherë pas përdorimit.

Vaji i ullirit

Përveç  rëndësisë që e ka në  përgatitjen e shumë ushqimeve, vaji i ullirit me proteinat dhe vitaminat që ka ndihmon në rritjen e flokëve dhe vetullave.

Aplikoni vajin e ullirit para gjumit, lëreni  të qëndrojë për 30 minuta dhe pastaj pastrojeni fytyrën më ujë të ngrohtë. Përdoreni në mënyrë të rregullt  këtë recetë për të parë rezultate sa më të mira.

Lëngu i qepës

Edhe pse mund t’ju tingëllojë çuditshëm , lëngu i qepës ndihmon shumë në rritjen e flokëve dhe vetullave. Lëng ka squfur që përmirëson prodhimin e indeve të  kolagjenit të nevojshme për rritjen e duhur të vetullave.

Masazhojini vetullat me këtë lëng dhe lëreni të qëndrojë për 5 minuta pastaj pastroni fytyrën me ujë të ngrohtë.

Të verdhat e vezës

Qimet e vetullave janë të përbëra nga proteina e keratinës dhe veza është një burim i madh i proteinave. Kështu, ajo mund të ndihmojë në përmirësimin e shëndetit të qimeve të vetullave, në trashjen dhe rritjen e shpejtë të tyre.

Ndani të verdhët e vezës në një enë dhe lyeni vetullat. Lëreni këtë përbërës të qëndroj 15 – 20 minuta dhe pastaj shpërlajeni  fytyrën me ujë më të ngrohtë. /Lajmi.net/



Source link

Share

Leave a Reply

Your email address will not be published. Required fields are marked *

Contact Us