Fitorja vjen nga stoli, Barça merr tre pikë të vuajtura ndaj Betisit

Fitorja vjen nga stoli, Barça merr tre pikë të vuajtura ndaj Betisit



Barcelona ia ka dalë të marrë një tjetër fitore të vuajtur, këtë herë në kampionat, pasi mposhti Betisin me rezultatin 2-3 me përmbysje në transfertën e vështirë andaluziane dhe u ngjit sërish në vendin e dytë me 43 pikë.

Trajneri Ronald Koeman kishte lënë pushim disa nga titullarët si De Jong, Messi e Pedri, ndërsa pjesa e parë u mbyll me avantazhin minimal të Betisit, që shënoi golin e avantazhit me anë të sulmuesit Borja Iglesias në minutën e 38’.

Në pjesën e dytë Koeman riktheu në fushë titullarët e tij dhe ishte Lionel Messi që barazoi rezultatin në minutën e 59’, pasi mori një pasim nga Dembele, ndërsa në të 68-ën katalanët morën avantazhin falë një autogoli te Ruiz.

Vetëm shtatë minuta më vonë, Victor Ruiz u bë sërish protagonist, por këtë herë shënoi në portën e duhur, atë të Barcelonës dhe riktheu sërish baraspeshën në “Benito Villamarin”.

Megjithatë kur dukej se gjithçka po shkonte drejt barazimit, ishte talenti portugez Trincao ai që shënoi edhe golin e tretë për katalanët, duke u dhënë një 3-pikësh mjaft të rëndësishëm, që i mban në vendin e dytë me 43 pikë, 7 më pak se Atletico Madrid që kryeson renditjen.



Source link

Share

Leave a Reply

Your email address will not be published. Required fields are marked *

Contact Us