Kalvari i Sergi Robertos, pozitiv në 26 tamponë për koronavirusin

Kalvari i Sergi Robertos, pozitiv në 26 tamponë për koronavirusin



Sergi Roberto u rikthye të luajë për Barcelonën në ndeshjen e të dielës ndaj Athletic Bilbaos, por mediat spanjolle zbulojnë se mesfushori spanjoll ka kaluar një periudhë vërtetë të komplikuar në pritje të një testi negativ të koronavirusit.

Spanjolli pësoi një dëmtim muskulor në fund të muajit nëntor, por më 1 dhjetor rezultoi pozitiv dhe që atëherë iu deshën të kryejë plot 27 teste, për të marrë një rezultat negativ, që e lejoi të bashkohej me skuadrën.

Kjo pasi protokolli i miratuar në Spanjë, nuk e lejon një futbollist të zbresë në qendrën stërvitore pa pasur një test negativ, qoftë edhe nëse i ka kaluar 14 ditët e izolimit.

Megjithatë koronavirusi në trupin e Sergi Robertos qëndroi më shumë se duhet, më tepër se një muaj dhe siç pranoi ai vetë, tamponët i ishin shndërruar në një stres më vete.

Gjithsesi edhe gjatë kohës që qëndronte i izoluar në shtëpi, Sergi Roberto ka kryer një pjesë të mirë të stërvitjes, duke bërë që të gjente shpejt formën, pasi u vu nën urdhrat e Koeman dhe tani është një alternativë më shumë për katalanët.

Kujtojmë që edhe sulmuesi argjentinas i Juventusit, Paulo Dybala pati një eksperiencë aspak të mirë me koronavirusin, pasi iu deshën plot 46 ditë për të marrë një test negativ, që e lejonte t’i bashkohej grupit dhe të luante në fushë.



Source link

Share

Leave a Reply

Your email address will not be published. Required fields are marked *

Contact Us