Certifikohet lista e votuesve, 143 mijë e 6 votues më pak se në zgjedhjet e 2019-s – Epoka e Re

Certifikohet lista e votuesve, 143 mijë e 6 votues më pak se në zgjedhjet e 2019-s – Epoka e Re


Komisioni Qendror i Zgjedhjeve ka certifikuar listën përfundimtare të votuesve brenda dhe jashtë Kosovës për zgjedhjet e 14 shkurtit.

Sipas KQZ-së, numri i votuesve brenda Kosovës është 1 milion e 794 mijë e 862 votues, apo 143 mijë e 6 votues më pak se në zgjedhjet parlamentare të vitit 2019.

Arsyeja se pse ka më pak votues në këto zgjedhje është për shkak se KQZ-ja ka vendosur që t’i largojë nga lista votuese 122 mijë e 421 persona të cilët posedojnë vetëm dokumente të identifikimit të lëshuar nga UNMIK-u.

Sipas KQZ-së, dokumentet e UNMIK-ut nuk shërbejnë për t’u identifikuar në vendvotim në ditën e zgjedhjeve.

Po ashtu, KQZ-ja ka larguar nga lista votuese edhe 11 mijë e 86 persona të cilët janë konfirmuar se janë larguar nga skema pensionale për shkak se kanë vdekur.

Numri i Qendrave të Votimit në të gjithë Kosovën është 888, me gjithsej 2 mijë e 382 vendvotime.





Source link

Share

Leave a Reply

Your email address will not be published. Required fields are marked *

Contact Us