Qeveria saudite përdori 16 firma lobimi për të ndikuar në Washington pas vrasjes së Khashoggit

Qeveria saudite përdori 16 firma lobimi për të ndikuar në Washington pas vrasjes së Khashoggit


Riadi ka përdorur një sërë firmash “për të rivendosur në masë të madhe makinerinë e saj të ndikimit në kryeqytet dhe në pjesë të tjera të vendit”, raportoi Foreign Policy

Arabia Saudite ka përdorur shërbimet e të paktën 16 firmave lobuese për të ndihmuar në rregullimin e ndikimit të saj të dëmtuar pasi zyrtarët e saj vranë kolumnistin e gazetës Washington Post, Jamal Khashoggi, sipas një raportimi të fundit, transmeton Anadolu Agency (AA).

Në më shumë se dy vjet që kur Khashoggi u vra brutalisht brenda Konsullatës së Arabisë Saudite në Stamboll në vitin 2018, Riadi ka përdorur një sërë firmash “për të rivendosur në masë të madhe makinerinë e saj të ndikimit në kryeqytet dhe në pjesë të tjera të vendit”, raportoi Foreign Policy, duke cituar regjistrat e Departamentit të Drejtësisë.

Firmat e lobimit janë përdorur për të forcuar interesat saudite, përfshirë tregtinë bilaterale me SHBA-në dhe imazhin e Arabisë Saudite, i cili u dëmtua jo vetëm nga vrasja, por edhe nga fushata që po drejton në Jemen kundër rebelëve të mbështetur nga Irani dhe regjistri i keq në lidhje me të drejtat e grave.

Andrea Prasow, zëvendësdrejtorja e zyrës së organizatës Human Rights Watch në Washington, ka thënë se Riadi i ka përdorur lobuesit në SHBA për ta shfaqur princin e kurorës Mohamed bin Salman si një reformator dhe për ta “pastruar” imazhin e tij.


Top Channel





Source link

Share

Leave a Reply

Your email address will not be published. Required fields are marked *

Contact Us