Gjermania forcon sigurinë rreth parlamentit pas trazirave në SHBA

Gjermania forcon sigurinë rreth parlamentit pas trazirave në SHBA


Policia ka forcuar sigurinë përreth parlamentit federal në Berlin pas trazirave këtë javë në Capitol Hill në SHBA, njoftoi tabloidi i së dielës “Bild am Sonntag”, duke cituar një letër për deputetët nga presidenti i Bundestag-ut, Wolfgang Schaeuble.

“Policia e Berlinit tashmë ka bërë thirrje që të shtohen forcat e sigurisë në zonën përreth ndërtesës së Reichstag-ut”, tha Schaeuble.

“Kam kërkuar një raport nga Zyra e Jashtme e Gjermanisë mbi trazirat në SHBA dhe do të sqaroj me qeverinë federale dhe shtetin e Berlinit se cilat përfundime mund të nxirren nga kjo për të mbrojtur parlamentin”, shtoi ai.

Një zëdhënës i policisë bëri me dije se do të rishikoheshin masat mbrojtëse për ndërtesat e rëndësishme në Berlin, masa që kanë të bëjnë me ish-ndërtesën e Reichstag, ku mbahet parlamenti dhe vendet që kanë me lidhje me SHBA-në.



Source link

Share

Leave a Reply

Your email address will not be published. Required fields are marked *

Contact Us